Кичик гуруҳ (3-4 ёш)

Ўқув йили охирида бола: 
- нарса ва ҳодисалар тасвирини қатъий шаклларда, турли тасвирий фаолият 
материаллари: рангли қалам, фломастер, акварел бўёқ, мўйқалам кабилардан 
фойдаланиб, расмга мос ва чиройли рангларни танлаш ва қўллай билиши; 
- нарсалар қурилиши, шакли, қисмларининг жойлаштирилиши, ҳажмига кўра 
ўзаро мослигини расмда тўғри ифодалаши; 

---

65 
- расмда бир неча нарсаларни уйғунлаштириш, қоғоз бўйлаб уларни тўғри 
жойлаштириш (бир чизиқ бўйлаб ёки қоғознинг бор бўйича) ҳамда расмга 
танланган сюжетга мувофиқ унча мураккаб бўлмаган сюжетларни тақдим эта 
олиши; 
- ўйинчоқ силуэтларни Ҳамро буви ўйинчоқларига ўхшаш элементлар билан 
безаш, турмуш нарса-ҳодисалари воситасида нақшлар яратиши; 
- ўз иш ўрнини тартибли сақлаши, ишини тугатгач, столни йиғиштириб қўйиши; 
- ягона сюжетли композицияга уйғунлаштирган ҳолда, турли усуллар (ёйиш, 
чимдиш, тортиш, чўзиш, чаплаш, эзғилаш, сиқиш кабилар)ни қўллаб, пластик 
материаллар (лой, мум кабилар)дан ҳар-хил ўйинчоқларнинг тимсолларини 
ҳамда нарса-буюмларни ясаш. Иш жараёнида ҳайкалтарошлик қаламидан 
фойдаланиши; 
- қайчини тўғри ушлаш, у билан тўғри, диагонал – квадрат, тўғри бурчак 
шаклларини қирқиш, қиялатиб қирқишни билиши; 
- бир неча қисмдан ташкил топган нарсаларни таркибий қисмларга ажратиш ва 
елимлаши; 
- ҳоҳишга кўра ёки танланган нарса рангига мувофиқ қоғознинг ранг-тусини 
танлаши; 
- тўртбурчак, доира шаклидаги ўсимлик ва геометрик шаклларни ранг-туси, 
катталиги, шаклини ҳисобга олган ҳолда, навбатма-навбат қўйиб тасмага 
елимлаш ва нақш ҳосил қилиши, бунда тасмага геометрик ва ўсимлик шакллари 
навбати билан ёпиштирилади, уларнинг ранг-туси, шакли, ҳажми ҳисобга 
олинади); 
- қуриш-ясаш хусусиятларини ҳисобга олган ҳолда, (пол ва столда турадиган) 
қурилиш материалларидан фойдаланишни билиши; 
- тарбиячининг топшириғига кўра қурилиш дизайнини амалга ошириши.