Кичик гуруҳ (3-4 ёш)

Билиш жараёни, атроф-олам тўғрисидаги билимга эга бўлиш ва уни англаш: 
Элементар математик билим ва малакалар. Икки-уч қисмли, таълимий 
ўйинчоқларни йиғиш, қутичаларга мос қопқоқларни танлаш, 2-3 та халқалардан пирамида 
йиғиш, катталарнинг илтимосларига кўра предметларни йиғиш ва олиб бериш, предметларни 
жойлаштириш. 
Атроф-оламни ўрганиш ва англаш. Катталар билан саломлашиш, катталарнинг 
саломига жавоб бериш, миннатдорчилик билдириш, расмларни томоша қилиш, образга 
қараб ҳаракатларни ифода эта олиш (айиқча, қуёнча), яқин атрофдаги предметларнинг 
номини айта олиш ва кўрсатиш, ўзининг кўриниши, кийими, чиройли ўйинчоғи билан 
мамнун бўлиш.
Йил охирида бола: 
Ранг, шакл, катталик каби тушунчаларни тушунади, предметларни ўзича таниб ва 
унинг хусусиятларини билади. 
Ўйин фаолияти 
Болаларнинг сенсор тажрибаларини бойитишда давом этиш. Турли шаклдаги буюмлар 
билан ўйнашга ўргатиш. Ўзакка 2-3 та бир хил ўлчамдаги халқани кийдириш, катталар 
ёрдамида 2-3 та халқачадан иборат бўлган конус асосли пирамидани йиғиш, тўртта қарама-
қарши ўлчамдаги халқалардан пирамида йиғиш;
Нарсаларнинг ўлчами (катта, кичик), рангига (қизил, кўк) қараб улар билан турлича 
шуғулланишни такомиллаштириш (очиш-ёпиш, кийдириш, олиш, ўтказиш, киргизиш, ипни 
ўтказиш, устига кийдириш). Турли дидактик ўйинчоқлар билан ўйнашга ўргатиш (шар отиш, 
дидактик қутичалар ва уларга мос столчалар ва ҳ.)
Қурилиш материали (столдаги, полдаги) билан ўтказиладиган ўйин машғулотлар. 
Болаларни айрим шакллар билан (кубча, ғиштча) таништириш.
Болаларнинг сенсор тажрибаларини бойитишда давом этиб, буюмларни ҳажм 
жиҳатидан фарқлашга ўргатиш, катталар ёрдамида 4-5 та халқадан иборат пирамида йиғиш.
Шаклига қараб қутича учун қопқоқлар (думалоқ, квадрат) танлаш кўникмаларини 
шакллантириш, икки ўринли дидактик ўйинчоқлар йиғиш. 
Дидактик қутича (“Сеҳрли қутича”) тешикларига мос келадиган ясси шаклларни 
(доира, квадрат, учбурчак, тўғрибурчак) мослаштиришни машқ қилдириш.
Эшитиш қобилиятини ривожлантирадиган таълимий ўйинлар ўтказиш (“Уйчада ким 
яшайди?”, “Ким бизни чақирди?”).
Тўртта рангни (қизил, кўк, сариқ, яшил) фарқлашга ўргатиш; катталарнинг таклифи 
бўйича маълум рангдаги нарсаларни ажратиш. 
Дидактик ўйинчоқлар, майда ва йирик қурилиш материаллари билан мустақил ўйнашга 
имкон бериш.

---

11