Кичик гуруҳ (3-4 ёш)

 
Атроф-муҳитни ўрганиш ва англаш 
(4-5 ёш) 
Она Ватан ва атроф-олам. Болада туғилиб ўсган юртига муҳаббат 
ҳиссини уйғотиш. Болани ўзи яшаётган кўча, маҳалла, қишлоқ, туман ва 
шаҳар билан таништириш, уларнинг номларини тўғри айтишга ўргатиш. 
Боланинг эътиборини яшаш жойидаги диққатга сазовор жойлар, 
меъморчилик ёдгорликлари, баланд ва кўркам биноларга, кенг ва равон 
йўлларга қаратиб уларга нисбатан қизиқиш уйғотиш. 
Боланинг ўз исми шарифини, ота-онасининг исми шарифини, яшаш 
манзилини билишига эришиш. 
“Конституция сабоқлари” ва “Тежамкорлик сабоқлари” дастурлари 
асосида илк тушунчалар бериш. 

---

96 
Буюк сиймолар. Ўзбек халқининг Алишер Навоий, Заҳириддин 
Муҳаммад Бобур сингари буюк сиймолари ҳақида қисқача маълумот 
бериш, уларнинг болалиги ҳақидаги ривоятлар билан таништириш. Буюк 
боболаримизга нисбатан ҳурмат, фахрланиш, ифтихор туйғусини таркиб 
топтириш. 
Байрамлар. Боланинг Мустақиллик байрами халқимиз учун ниҳоятда 
қадрли байрам эканлиги ҳақидаги тасаввурини кенгайтириш.
Болани ўзбек халқининг миллий байрамлари билан таништиришда 
давом этиш, “Наврўз” халқимизнинг қадимий байрамларидан бири 
эканлиги, у юртимизда кенг нишонланиши; байрамни катталар ҳам, 
болалар ҳам бирдек қувонч билан ўтказиши ҳақида тушунча бериш. 
Байрамда баҳор таомлари: сумалак, ҳалим, кўк сомса, чучваралар 
пиширилиши ҳақида маълумот бериш. 
Миллий қадриятлар, урф-одатларимизни улуғлаш, ҳурмат қилиш 
туйғусини шакллантириш. 
Ўлкамизда ҳосил байрами – “Меҳржон” ҳар йили олтин куз фаслида 
ўтказилиши, унда бободеҳқонлар етиштирган мўл ҳосилга шукроналик 
билдирилиши, турли кўргазмалар, қизғин савдолар ташкил этилиши, 
ўйин-кулгу, хурсандчиликда нишонланиши, қовун, узум сайли ўтказилиши 
ва бошқалар ҳақида тушунча бериш.