Кичик гуруҳ (3-4 ёш)

Вақт бўйича илк тушунчалар. Боланинг кун ва тун ҳақидаги 
тасаввурларини аниқлаш, вақтни ифодаловчи “кун”, “тун” сўзларини 
нутқда тўғри қўллашга ўргатиш асосида вақт ҳақидаги тасаввурларини 
мустаҳкамлаш.
Боланинг сутка қисмлари ҳақидаги тасаввурларини аниқлаш (кундузи, 
эрталаб, кечқурун, тун) ва мустаҳкамлаш. 
“Кеча”, “Бугун”, “Эртага” тушунчаларини фарқлаш ва бу сўзлардан 
тўғри фойдаланишни; ҳаракат тарзини ифодаловчи сўзларни (тез, секин) 
ўргатиш. 

---

95 
Қуриш-ясаш. Болага содда воқеабанд ўйин масалаларини лойиҳалаб 
оддий қурилмаларни: “лего” туридаги бўлаклардан моделлар, 6-8 та 
қисмдан пазллар йиғишни, қоғоздан буклаш йўли (оригами) орқали содда 
шакллар (самолёт, қайиқ) ясашни ўргатиш. 
Бола эгаллаган билим ва кўникмалар қуйидаги ўйинлар орқали 
мустаҳкамланади:
“Саноғини топ”, “Ким топқир?”, “Ким бекинди?”, “Яқин-узоқ”, “Шакл 
яса”, “Кенг-тор”, “Ўхшашини топ ва қиёсла”, “Кун-тун”, “Кимга қанча?”, 
“Қайси ўйинчоқ яширилган?”, “Кимда шунча?”, “Дарвозадан ўтинг”, 
“Келинг, санаймиз”, “Қайси ўйинчоқ қайси сонга тегишли?”, “Товушига 
кўра сонини топинг”, “Ким тезроқ териб олади?”, “Қайси шаклни қўйиш 
зарур?”, “Нима ўзгарди?”, “Худди шундай халқани топинг?”, “Бу қандай 
шакл?”, “Сеҳрли қопча”, “Сотувчисиз дўкон”, “Олдинга-орқага”. 
Ўқув йили охирида бола: 
- 5 гача санайди; 
- бир жойда турган буюмларни (5 тагача) тартиб сони билан айта 
олади; 
- сони 5 тагача бўлган икки гуруҳдаги буюмлар сонини таққослайди; 
- буюмларнинг шакли, катта-кичик, узун-қисқа, кенг-тор, баланд-паст, 
қалин-юпқалигига кўра фарқлайди; 
- доира, квадрат, учбурчак, тўғри тўртбурчак, овал шаклларини бир-
биридан фарқлайди; 
- шар, куб, цилиндрларнинг номини айта олади ва уларни фарқлайди; 
- аниқ бир йўналишни ифодаловчи олдинга, орқага, ўнгга, чапга, 
юқорида, пастда, узоқда, яқинда каби сўзларни нутқда қўллай олади; 
- у ёки бу буюмнинг ўзига нисбатан жойлашувини сўз билан 
ифодалайди; 
- кун, тун, эрталаб, кундузи, кечқурун, кеча, бугун, эртага, тез, секин 
каби вақтни ифодаловчи сўзларни тушунади, нутқда қўллайди; 
- “лего” туридаги ўйин бўлакларидан содда моделлар йиғади; 
- 6-8 та қисмли пазлларни йиғади; 
- қоғозни буклаб (оригами) содда шаклларни ясайди.