Кичик бизнес ва ҳусусий тадбиркорлик фаолиятида бизнес-режа

Бизнес-режанинг асосий ва умумий вазифаси тадбиркорлик фаолияти ва унинг истиқболини аниқ, асосли, яхлит тарзда ифодалаб бериш ҳисобланади. Шунинг билан бирга, унинг алоҳида вазифалари ҳам мавжуд. Улар қуйидагилар:

тадбиркорлик фаолиятининг аниқ соҳалари ва йўналишлари, мўлжалланган бозори ва унда тадбиркорнинг ўрнини аниқлаш;

тадбиркорлик фаолиятининг узоқ ва қисқа муддатлардаги мақсадлари, уларга эришиш стратегияси, тактикаси ва масҳул ходимларни белгилаш;

ишлаб чиқарилиши кўзда тутилган товарлар (хизматлар)ни танлаш, уларнинг турлари ва кўрсаткичларини баҳолаш;

маҳсулот ишлаб чиқариш ва сотиш ҳаражатларини аниқлаш ва ба­ҳолаш;

ўйланган ишни амалга ошириш учун керак бўладиган ресурслар ва шарт-шароитларни аниқлаш, улар билан таъминлаш имкониятларини ба­ҳолаш;

маркетинг ва менежмент соҳасида комплекс тадбирларни белгилаш;

келажакда учраши мумкин бўлган қийинчиликлар ва хавф-хатарларни олдиндан аниқлаш ва уларнинг салбий таъсирини пасайтириш чораларини кўриш;

ҳамкорлар топишга кўмаклашиш уларни мазкур ишга қизиқтириш ва унга иштирок этишга кўндириш.

Бизнес-режа тузишга ҳам унинг таркиби, структураси ҳам тадбиркор­лик фаолиятининг хусусиятлари ва режанинг мақсадлари, кредиторлар, инвесторлар, ҳамкорларнинг шахсий талабларига мувофиқ ҳар хил бўлиши мумкин. Бундан ташқари бизнес-режа ички фойдаланувчи ва ходим­лар ёки ташқи фойдаланувчи кредиторлар, инвесторлар, ҳамкорларга мўлжалланишига қараб ҳам фарқ қилади. Аммо бизнес режанинг шакли ва тузилишидан қатҳий назар унда акс эттириладиган шундай масалалар борки, улар ҳар қандай бизнес режада бўлиши шарт. Бунда масалалар бизнес режанинг асосий мазмунини ташкил этади ва уларга қуйидагилар киради:

• 
  тадбиркор қандай иш билан шуғулланади?
  
• 
  унинг мақсади нима?
  
• 
  белгиланган мақсадга эришиш учун қандай стратегия ва тактика танлаб олинади?
  
• 
  тадбиркорлик фаолияти учун қанча моддий, молиявий ва бошқа ресурслар керак?
  
• 
  улардан қанча муддатга ва қандай фойдаланилади?
  
• 
  четдан олинган қарзлар ва инвестициялар қачон ва қандай қайтарилади?
  

1.