Кенг полосали тармоқлар” фанидан амалий машғулотларини бажаришга оид

Порт асосида VLANни созлаш
Портни бирор VLANга бириктиришнинг икки усули мавжуд:

Статик белгилаш	Динамик белгилаш
портнинг VLAN га тегишлилиги маъмур томонидан созлашлар давомида белгиланади;	портнинг VLAN га тегишлилиги махсус стандартлар, мисол учун IEEE 802.1X да белгиланган процедуралар асосида динамик равишда белгиланади. IEEE 802.1X стандарти асосида ташкил eтилган ҳолатда фойдаланувчи коммутатор портидан фойдаланиши учун RADIUS серверда аутентификациядан ўтиши лозим бўлади. Аутентификация натижасига кўра коммутатор порти керакли VLAN га автоматик тарзда созланади.

IEEE 802.1Q да асосий белгилашлар (атамалар):

• 
  Tag ("Тег") —Ethernetкадрига бириктириладиган ваVLAN ҳақида ахборотни сақлайдиган 4 байт узунликдаги қўшимча ахборот майдони. Дастлабки 2 байт 0х8100 кўринишидаги белгиланган қиймат ва қолган 2 байт VLAN идентификатори (12 бит), приоритет майдони (3 бит), каноник формат индикатори майдони (1 бит) дан ташкил топган;
  
• 
  Tagging ("Кадрни маркировкалаш") — кадр сарлавҳасига 802.1Q VLAN га тегишлилик ҳақида ахборотни киритиш жараёни;
  
• 
  Untagging ("Кадрдан тегни ўчириш") —кадр сарлавҳасидан 802.1Q VLAN ҳақида ахборотни ўчириш;
  
• 
  Ingress port ("Кириш порти") —кадрлар келиб тушадиган, ҳамда VLAN га тегишлилик ҳақида қарор қабул қилинадиган коммутатор порти;
  
• 
  Egress port ("Чиқиш порти") — бошқа тармоқ қурилмалари (коммутаторлар, ишчи станциялар)га кадрлар узатиладиган порт. Унда кадрни маркировкалаш ҳақида қарор қабул қилинади.
  
• 
  Коммутаторнинг исталган порти tagged (маркировкаланган) ёки untagged (маркировкаланмаган) ҳолатда созланиши мумкин.  untagging функцияси Ethernet кадри таркибида тегларни ажрата олмайдиган тармоқ қурилмаларини улаш учун мўлжалланган.  tagging функцияси IEEE 802.1Q стандартини қўллаган ҳолда бир неча қурилмаларда VLAN ларни созлашда, IEEE 802.1Q станартини қўллай оладиган тармоқ қурилмалари (мисол учун, тармоқ интерфейси 802.1Q ни қўллай оладиган серверлар) . Бу турли кўринишдаги мураккаб тармоқ инфраструктурасини яратишни таъминлайди.
  

9.7 расм. Порт асосида VLANни созлаш (1,2,3,4,5 -амал)

9.8 расм. Порт асосида VLANни созлаш (6,7-амал)

9.9 расм. Порт асосида VLANни созлаш (8 -амал)