Кенг полосали тармоқлар” фанидан амалий машғулотларини бажаришга оид

Порт асосида VLANни созлаш
Виртуал локал тармоқ (Virtual Local Area Netwrok, VLAN) тармоқда фойдаланувчиларнинг физик жойлашувидан қатъи назар функцияси, ишчи гуруҳ ёки хизмат тури бўйича мантиқий ажратилган коммутацияланадиган сегменти бўлиб ҳисобланади. Виртуал локал тармоқлар физик локал тармоқнинг барча хусусиятига eга, ҳамда исталган портда VLAN хизматини созлаш имкони мавжудлиги сабабли ишчи станциялар бир сегментда жойлашмаган бўлса ҳам, уларни биргаликда жамлаш мумкин.
Бунда unicast, multicast, broadcast трафиклари фақатгина бир хил VLAN га тегишли ишчи станциялар ўртасида узатилади. Ҳар бир VLAN алоҳида мантиқий тармоқ сифатида қаралади, яъни айни VLANга тегишли бўлмаган ишчи станцияга узатиладиган пакетлар маршрутизация қилувчи қурилма (маршрутизатор ёки 3-сатҳли коммутатор) дан ўтиши лозим бўлади.
Шу тарзда виртуал локал тармоқлар ёрдамида тармоқ самарадорлик кўрсаткачларига салбий таъсир кўрсатувчи омил- broadcast кадрларининг тарқалишининг олди олинади.


VLAN турлари:

• 
  Порт асосидаги VLAN (Port-based VLAN) —коммутаторнинг хар бир портига бирор VLAN бириктирилади ва мазкур портга уланган исталган тармоқ қурилмаси белгиланган виртуал тармоқ таркибида бўлади;
  
• 
  MAC-адрес асосидаги VLAN (MAC-based VLAN) — VLAN га аъзолик ишчи станцияларнинг MAC-адреслари бўйича белгиланади.Бундай ҳолатда коммутаторда барча MAC-адресларни VLAN га бириктириш лозим бўлади;
  
• 
  IEEE 802.1v протоколлари ва портга асосланган VLAN —VLANга аъзолик протокол тури бўйича амалга оширилади;
  
• 
  IEEE 802.1Q стандарти асосидаги VLAN —VLAN га тегишлилик ҳақида ахборот Ethernet кадри таркибида киритилади ва бу ахборотни тармоқда узатилишига имкон беради. Асосоий афзаллиги созлашнинг қулайлиги ва коммутацияланадиган кенг тармоқда фойдаланилиши мумкин. Тармоқни бундай усул ёрдамида ташкиллаштириш турли ишлаб чиқарувчилар қурилмалари билан биргаликда ишлай олади ва бошқа турларига нисбатан тармоқда кенг қўлланилади.