“Келишилган”

6. Меҳнат интизоми.

6.1. Меҳнат интизоми ҳалол меҳнатни рағбатлантириш ўз вазифаларини тегишлича бажармайдиган ходимларга нисбатан жазо чораларини қўллаш усуллари ёрдамида нормал ишлаш учун зарур ташкилий ва иқтисодий шарт-шароит яратиш йўли билан таъминланади.

6.2. Мактаб раҳбари меҳнат интизомини бўзганлиги учун ходимга нисбатан қуйидаги интизомий чораларни қўллаши мумкин (меҳнат кодексининг 181 моддаси):
1) Хайфсан.
2) Ойлик ўртача ҳақининг ўттиз фоизидан ошмайдиган миқдорда жарима.
3) Ойлик ўртача ҳақининг эллик фоизидан ошмайдиган миқдорда жарима.
Бундай жарима қуйидаги сабабларга кўра белгиланиши мумкин.
- иш куни мабойнида узрли сабабсиз ҳаммаси бўлиб 1 соатдан 3 соатгача ишда бўлмаслик.
- ушбу қоидаларнинг 25 бандида баён этилган меҳнат вазифаларини бузилгани учун (агар мактаб раҳбари ходим ўз меҳнат вазифаларини бузиши қўпол тусда бўлмаган деб топса).
4) Меҳнат шартномасини амал қилишдан тўхтатиш (меҳнат кодексининг 100-моддаси, иккинчи қисми 3 ва 4 бандлари.) Мактаб раҳбари ходимнинг иш ҳақидан жаримани Ўзбекистон Республикаси Меҳнат кодексининг 164- моддаси талабларига мувофиқ ушлаб колади.
Ўзбекистон Республикаси Меҳнат кодексининг 181-моддасида кўзда тутилмаган интизомий жазо чораларини қўллаш тақиқланади.
6.3. Интизомий жазо чораларини ишга қабул қилиш ҳуқуқи берилган шахс қўллайди.
Интизомий жазо қўлланишидан аввал ходимдан тушунтириш хати олиниши керак, ходим тушунтириш хати ёзишдан бош тортиши у йўл қўйган қонунбузарлик учун жазо чораларини қўллашда тўсиқ бўла олмайди.
Интизомий жазо чоралари қўлланилаётганда йўл кўйилган қоидабузарлик қай даражада оғирлиги унга йўл қўйиш тафсилотлари, ходимнинг шунгача бажарган ишлари ва хулки ҳисобга олинади.
Ҳар бир қонунбузарлик учун фақат битта интизомий жазо қўлланиши мумкин.
Интизомий жазо чораси бевосита қоидабузарлик аниқланган кундан бошлаб, кўпи билан бир ой ичида қўлланилади. Ходим касал ёки таътилда бўлган давр бу ҳисобга кирмайди.
Жазо чораси қонунбузарликка йўл кўйилган кундан бошлаб кўпи билан олти ой ичида молиявий-хўжалик фаолиятини текшириш ёки тафтиш натижалари бўйича эса қонунбузарлик санасидан эътиборан кўпи билан икки йил мабойнида қўлланиши мумкин. Жиноят иши бўйича тергов ўтказилган вақт бу муддатларга кирмайди.
Интизомий жазо чорасини қўллаш тўғрисидаги қарор ходимга эълон қилиниб, бу ҳақда ундан тилхат олинади.
Интизомий жазо чорасини қўллаш муддати у белгиланган кундан эътиборан бир йилдан ошмаслиги керак. Агар шу муддат мабойнида ходимга нисбатан янги интизомий жазо чораси қўлланилса, у ҳолда илгари қўлланилган жазо ўз кучини йўқотган ҳисобланади.
Интизомий жазо чорасини қўллаган мактаб раҳбари уни бир йил ўтмай туриб ўз ташаббусига кўра ходимнинг илтимоси бўйича, меҳнат жамоаси ёки ходимнинг бевосита раҳбари тақдим этган илтимосномага биноан бекор қилишга ҳақлидир.
Интизомий жазо чораси юзасидан якка тартибдаги меҳнат низоларини кўриб чикиш учун қонунда белгиланган тартибда шикоят қилиниши мумкин.
6.4. Ички меҳнат тартиби қоидалари билан ташкилотнинг ҳар бир ходими таништирилиб, бу ҳақда улардан тилхат олинади.