Kelajak o’qituvchisi

Lekin jamiyatimizda shunday bir muhim kasblar borki, ular inson kelajagining poydevori bo’ladi desak, adashmagan bo’lamiz. Shulardan asosiy ikkitasi bu – shifokorlik va o’qituvchilik

Shifokorlikni muhim kasb deyishimga asosiy sabab shuki, necha minglab insonlarning hayoti, sog’ligi ularning qo’lida bo’ladi. Shifokorlar tabobat ilmidan yaxshi xabardor bo’lishi, har qanday kasallikka davo topish yo’llarini izlanishi lozim.

Agar shifokor bu ishlardan bexabar bo’lsa, kasbining sharafli shonini oqlay olmasa, inson salomatligi va keyingi hayotiga javob bera olmasa, uni shifokor deyishga aslo tilimiz bormaydi.

Sizlarga g’alati eshitilgan, “JAMIYAT QOROVULI” sifatida tilga olinayotgan o’qituvchilik kasbi ham o’z mashaqqatlariga ega. O’quvchilarga ta’lim-tarbiya ishlarini to’g’ri o’rgatish, kelajakda ularning yetuk inson bo’lib yetishishini ta’minlash, vatanparvar bo’lib yetishish va kelajakda o’z kasbining buyuk mutaxassisi bo’lib yetishishiga o’rgatish ham o’qituvchi zimmasidadir.

Agar o’qituvchi bolaga yaxshi tarbiya bera olmasa va yuqorida sanab o’tgan xususiyatlarni bolaga singdira olmasa, shifokorlar kabi butun bir jamiyatning, minglab insonlarning kelajagiga zomin bo’lishi mumkin. Mening shunday buyuk kasb egalarini “qorovul” deyishimga asos ham shu.

Shunday ekan, kelajakda jamiyatdagi, kerak bo’lsa butun dunyodagi barcha o’qituvchi insonlarni yuqorida aytib o’tilgan hislatlarni o’zida mujassam etgan buyuk inson qilishga harakat qilinishi lozim. Shundagina buyuk kelajak yaratilishi mumkin.

Kelajak o’qituvchilari avvalgi va hozirgilarga nisbatan ancha yuqori pog’onada joylashgan bo’lishi va har qanday yo’nalish bo’yicha ta’lim ishlarini olib bora olishi muhim hisoblanadi. Buning uchun esa o’qituvchilar yanada ko’plab ilm izlashlari lozimdir.