|
Кегейли районы Халық билимлендириў бөлимине қараслы
27-санлы улыўма орта билим бериў мектебинде өткерилген мəжилис
БАЯНЛАМАСЫ
07-октябрь 2021-жыл
|
|
Қумшунгул АПЖ
|
КҮН ТӘРТИБИ:
1.“Тынышлық еӊ жоқары қәдирият” темасы ҳаққында
2. “Исламда экстремизм ҳәм терроризмге орын жок” темасы ҳаққында
3. “Диний экстремистлик ағымлар, миссионерлик-мәмлекет ҳәм жәмийетке қәўип” темалары ҳақкында
Тыңланды: Жыйналысты мектеп директоры Т.Жиенбаев ашып берди, жыйналыс қатнасыўшылары ҳәм күн тәртиби менен таныстырып өтти.
Буннан соң сөзге Қумшунгул АПЖ профилактика инспекторы А.Бердимуратов шығып сөйлеп ол өз сөзинде Диний-экстремислик топарлардың бас мақсети “халифалық” яки “ислам әмирлиги” мәмлекетин дүзиў ураны астында сиясий ҳәкимиятты ийелеў болып табылады.
Бул мақсетке ерисиў жолында халыққа унамсыз идеяларды сиңдириў, социаллық-сиясий жағдайды ыдыратыў, ҳүкиметке қарсы шығыў, халық арасында қорқыныш, бөлиниўшилик ҳәм мәмлекетке исенимсизлик оятыў ҳәм республика басшылары тәрепинен диний тараўда алып барылып атырған сиясатты абырайсызландырыў сыяқлы ислерди әмелге асырады. Диний экстремистлик шөлкемлердиң тийкарғы ҳәрекетлери ҳаққында айтып өтетуғын болсақ, олар экстремистлик руўхтағы әдебият, видео, аудио жазыўлар, электрон диск ҳәм мобиль телефон яд карталарын тарқатыў, жасырын жәмәәтлер дүзиў, жасырын диний ханалар жумысын жолға қойыў, социаллық-сиясий турақлылықты абырайсызландырыўға қаратылған ислерди ҳәм терроршылық ҳәрекетлерди әмелге асырады.
Буннан соң сөзге мектептиң руўхыйлық ҳәм ағартыўшылық ислери бойынша директор орынбасары Р.Байжанов шықты. Ол өз сөзинде диний экстремизм жәмийет ушын керекли болған диний қәдириятларды бийкар етиў ҳәм оларға жат болған «идея»ларды агрессив усылда үгитлеў болып есапланады. Мәселен Орайлық Азияда диний эктремистлер тийисли аймақ халықлары ушын дәстүрий болған ҳанафий мазхаби ва мотуридия үгитлерин бийкар етип, мусылманларға сиясийластырылған ваҳҳобий салафий идеяларын сиңдириўге урынбақта. Олар «машқалалар мусылман жәмийетлерди исламшылығын жоғалтқаны себепли пайда болған «кәпир» ҳүкиметлерин аўдарып таслаў керек» сыяқлы диний түсиниклерден пайдаланып ҳәкимиятқа умтылмақта. Халық аралық терроризм трансмиллий әҳмийетке ийе терроршылық ҳәрекетлери пайда етилгени, түрли мәмлекетлер аймағындағы терроршы топарлар арасында беккем мәлимлеме мағлыўмат ҳәм жалланба гүресиўшилерди алмастырыў, компьютер технологиялардан үгит-нәсият ҳәм жаллаў жумысларында кең пайдаланыўдың жолға қойылғаны, терроршыларды таярлаўға арналған лагерлердиң пайда болғанлығы ҳәм ири қаржы дереклерине ийе екенлиги менен характерленеди.
Буннан соң сөзге Халқабад мешити имам катиби Д.Байымбетов шығып сөйлеп өз сөзинде, Диний экстремизмниң Орайлық Азияға кирип келиўине әсиресе Аўғанистан өзине сай дәрўаза ўазыйпаларын атқарады. «Талибон ҳаракати» ҳәм «Ал-Коида» шөлкеми менен беккем байланыслар орнатқан диний экстремистлик топарлар, узақ ўақыттан берли регионал қәўипсизликке қәўип салмақта. Орайлық Азия аймағында ҳәзирги күнде ҳәрекет етип атырған диний экстремистлик топарлар қатарына «Өзбекстан (Түркистан) ислам ҳәрекети», «Хизбут таҳрир» «Акромийлар», «Нуршылар» ҳәм «Таблиғшылар» киреди.
Диний экстремистлик шөлкемлердиң тийкарғы жумыс усыллар сыпатында экстремистлик руўхтағы соннан, «жиҳод», «шаҳидлик» идеяларын үгитлеўши әдебият, видео ҳәм аудио касеталарын тарқатыў, жасырын топарлар дүзиў ҳәм оның ағзаларын арнаўлы (радикал диний үгит жүргизиў, қопарыўшылық ҳәм т.б) таярлықтан өткизиў өз тәрепдарларын мәмлекет структраларына киритиўге урыныў, жасырын «ҳужраларда» оқып атырғанларға радикал исламий түсиниклер сиңдириў, хаял-қызлардан ибарат ячейкларды көбейтиў, Өзбекстандағы ишки сиясий жағдайларды кескин қаралаў, рәсмий диний дизимлерди абырайсызландырыў ҳәм де тийкарсыз терроризм қуралларынан пайдаланыўды көрсетиў мүмкин.
Хүкиметимиз тәрепинен диний экстремизм ҳәм халықаралық терроризмге қарсы халықаралық дәрежеде ҳәм мәмлекет ишинде зәрүр ис-илажлар әмелге асырылмақта.
Do'stlaringiz bilan baham: |
