Кўчмас мулк иқтисодиёти

Ўрмон хўжалиги эҳтиёжлари учун берилган ерлар
ўрмон фонди ерлари деб 
эътироф этилади. 
Бошқа мақсадларга мўлжалланган ерлар ўрмонзорлар барпо этиш, жарликларнинг 
кенгайишини тўхтатиш, шаҳарлар ва саноат марказлари атрофида иҳота ўрмонзорлар ва 

---

67 
кўкаламзор ҳудудлар яратиш учун белгиланган тартибда ўрмон фонди ерлари таркибига 
ўтказилиши мумкин. 
Туман ҳокими ўрмон хўжалиги давлат органлари билан келишиб, ўрмон фонди 
ерларини қишлоқ хўжалиги юритиш учун қишлоқ хўжалиги корхоналари, муассасалари ва 
ташкилотларига вақтинча фойдаланишга ижара шартлари асосида бериши мумкин. 
Ўрмон фонди ерларидан фойдаланиш тартиби махсус қонун ҳужжатлари билан 
белгиланади. 
6. 
Сув фонди ерлари 
— бу сув объектлари билан банд бўлган ерлар, сув 
объектларининг сувни қўриқлаш ҳудудлари ерлари, шунингдек, ажратилган ерлар ва сув 
олинадиган жойларни қўриқлаш ҳудудларини, гидротехника иншоотлари ва бошқа сув 
хўжалиги иншоотлари ва объектларини ўрнатиш учун ажратилган ерлар.
Сув ҳавзалари (дарё, кўл, сув омбори ва шу кабилар), гидротехника ва бошқа сув 
хўжалиги иншоотлари эгаллаб турган, шунингдек сув ҳавзаларининг ва бошқа сув 
объектларининг қирғоқлари бўйлаб ажратилган минтақадаги сув хўжалиги эҳтиёжлари 
учун корхоналар, муассасалар ва ташкилотларга белгиланган тартибда берилган ерлар сув 
фонди ерлари жумласига киради. 
Дарёлар, магистрал каналлар ва коллекторлар, сув омборлари ва бошқа сув 
ҳавзаларининг, шунингдек ичимлик ва рўзғор сув таъминоти, аҳолининг даволаш ҳамда 
маданий-соғломлаштириш эҳтиёжларига хизмат қиладиган манбалар қирғоғи бўйлаб 
қонун ҳужжатларида белгиланадиган тартибда сувни муҳофаза қилиш ҳудудлари ва 
қирғоқбўйи минтақалари ажратилади. 
Дарёлар, магистрал каналлар, коллекторлар, сув омборлари ва бошқа сув 
ҳавзаларининг қирғоқбўйи минтақалари табиатни муҳофаза қилиш эҳтиёжлари учун ер 
эгаларидан ва ердан фойдаланувчилардан олиб қўйилиши мумкин. 
Сув фонди ерларида сув объектларига салбий таъсир кўрсатадиган хўжалик 
фаолияти юритиш ва қурилиш ишлари олиб бориш тақиқланади. 
Сув фонди ерларидан фойдаланиш тартиби қонун ҳужжатлари билан белгиланади. 
Истеъмол ва хўжалик-маиший сув таъминоти манбаларини қўриқлаш учун 
чегараларида ердан фойдаланишнинг махсус ҳуқуқий тартиби киритилган қўриқлаш 
ҳудудлари ўрнатилади.
Сув фонди ерларидан фойдаланиш ва уларни қўриқлаш тартиби Ер кодекси ва сув 
қонунчилигига асосан аниқланади. 
7.