KBaxt va muvaffaqiyat sirlari

1-ijodiy faoliyat
Ma’naviyat xazinasidan

---

90
V bob. Oila va salomatlik
3. Aziz bugun darsning birinchi soatiga biroz kechikib kirib keldi. Muallim 
«Nima uchun kech qolding? Uydan biroz vaqtliroq chiqsang bo‘lmaydimi?» 
deb uni savolga tutdi. Aziz mulzam bo‘lib, indamay yerga qaradi. Shu 
payt orqa partada o‘tirgan Akmal: «Ustoz, u uyidan vaqtliroq chiqqan edi, 
mahallamizdagi Nazira xolaning eshiklarini oldi yaxmalak bo‘lib qolgan 
ekan, men yur, darsga kech qolsang ustoz urishadilar desam ham, u o‘sha 
xolaning eshigini oldini kurab, yaxdan tozalash uchun qolib ketdi», – dedi 
Azizning yonini olib.
a) Aziz bilan Akmalning harakatlariga baho bering.
b) Siz Azizning o‘rnida bo‘lganingizda nima qilgan bo‘lardingiz? Akmalning 
o‘rnida bo‘lganingizdachi?
Yaxshilik – go‘zal axloqiy fazilat sirasiga kirib, inson umri davomidagi 
ijobiy va ezgu ishlari, munosabatlarining yig‘indisini tashkil etadi. Yaxshilik 
– shaxsga va jamiyatga manfaat keltiradigan, ijtimoiy taraqqiyotga mos 
keladigan fazilatdir.
Xushfe’llik, shirinsuxanlik, kamtarinlik, bosiqlik singari axloqiy
xatti-harakatlar yaxshilikni yuzaga chiqarish 
nuqtayi nazaridan g‘oyat muhimdir. Har bir 
jamiyat darajasi ma’lum ma’noda undagi 
fuqarolar 
muomala 
madaniyatining 
yuksakligi bilan ham belgilanadi. Zero, 
xushfe’l, shirinsuxan inson o‘zining har 
bir muvaffaqiyatsizligiga fojia sifatida 
qaramaydi, alam yoki g‘azab bilan 
yomon 
kayfiyatini 
boshqalarga
o‘tkazishga intilmaydi; atrofdagi 
axloqiy muhitni buzmaydi. Balki 
o‘ziga ham, o‘zgalarga ham 
ko‘tarinki kayfiyat, turli-tuman 
omadsizliklarning o‘tkinchiligini
anglatuvchi hayotbaxsh bir umid
bag‘ishlaydi. Jamiyat doimo o‘shanday 
odamlarni hurmat qiladi va ulardan o‘rnak 
olishga intiladi.