Kasbiy pedagogika

 Boshqaruv faoliyatini amalga oshirishda marketing. 
Bugungi kunda kasbiy 
ta'lim muassasalari ham bozor iqtisodiyoti qonuniyatlari asosida faoliyat ko‗rsatishi va 
raqobatbardosh mutaxassislarni tayyorlab berishlari talab etiladi. Bunda ta'lim 
muassasasida yo‗lga qo‗yilgan marketing xizmati muhim o‗rin tutadi. Marketing 
tadqiqotlari ko‗plab soha masalalarini qamrab oladi: 
- qisqa (1 yilgacha) muddatli ijtimoiy-pedagogik bashoratlar; 
- uzoq (1 yildan ortiq) muddatli ijtimoiy-pedagogik bashoratlar; 
- bozorning joriy va istiqbol potensialini o‗rganish; 
- bitiruvchilarning ish joylashish statistikasining tahlili; 
- yangi sohalar mutaxassislarning ish o‗rinlarini o‗rganish; 
- yangi ish o‗rinlarini yaratish yo‗nalishlarini tadqiq qilish; 
- bozor narxlarini belgilanish xususiyatini o‗rganish; 
- ta'lim muassasasi ish faoliyati samaradorligini belgilash (teskari aloqa). 
Ta'lim 
muassasasi 
boshqaruvining 
pedagogik yo‗naltirilganligi barcha 
imkoniyatlarni asosiy maqsad - yosh avlodni ijtimoiy ishlab chiqarish sohasiga 
muvaffaqiyatli kirib borishini taminlashga qaratilgan bo‗ladi. Ta'lim muassasi rahbari 
tomonidan olg‗a suriladigan rejalar, rejalashtirilayotgan muhim tadbirlar jamoada 
muhokama qilinishi va muvofiqlashtirilishi lozim. Rahbarning bu boradagi harakatlari 
qo‗yilgan vazifani amalga oshirishga izchil va qatiy yondashuvga asoslangan bo‗lsa, 
jamoa azolari tomonidan qabul qilinadi va qo‗llab-quvvatlanadi. Bilim yurti rahbari 
jamoa boshqaruvini o‗zaro hurmat va talabchanlik asosida tashkil etishi lozim. 
Rahbarlik qiluvchi shaxs o‗z hatti-harakatlari bilan jamoaga ibrat ko‗rsata olishi, 
amalga oshiriladigan qatiy choralar mohiyatini tushunishi va ularning ijodiy samarasini 
taminlashi lozim. 
 
Nazorat savollari: 
1.Kasb-hunar ta'limini boshqarish deganda nimani tushunasiz? 
2.Kasb-hunar ta'limini boshqarishga nimalar kiradi? 
3.O‗rta maxsus, kasb-hunar ta'limi muassasalarini boshqarishning umumiy 
asoslariga nimalar kiradi? 
4.O‗rta maxsus, kasb-hunar ta'limi muassasalarini boshqarishning ilmiy
asoslariga nimalar kiradi? 
5.O‗rta maxsus kasb-hunar ta'limi muassasalariga rahbarlik qilish tizimi qanday? 
6.O‗rta maxsus kasb-hunar ta'limi muassasalariga rahbarlar ishining mazmuni 
nimalardan iborat? 

---

110