Касбий қайта тайѐрлаш йўналиши: Мактабгача таълим муассасалари

Адабиѐт маркази 
Болалар илк бор саводхонликка ўргатилади. Ушбу марказда китоблар, 
эшитиш ҳамда ѐзиш учун ўқув қуроллари мавжуд бўлади. Бу тинч бурчак 
бўлиб, унда болалар китобларни кўриб чиқишлари, бир-бирларига ўқиб 
беришлари мумкин, шунингдек, бу ерда тарбиячи ѐки кўнгилли ѐрдамчи 
болаларга китобни овоз чиқариб ўқиб бериши мумкин. Адабиѐт маркази 
«Болага йўналтирилган таълим» дастурида ўқув кунининг муҳим таркибий 
қисми бўлиб ҳисобланади. Болаларга китобчаларни ўз қўллари билан ясаш, 
мавзу (сюжет) ларни ўйлаш ва ўйнаш, ҳикоялар эшитиш таклиф этилади. 

---

120 
Математика маркази 
Болаларга илк математик кўникмалар берилади. Болалар мустаҳкам 
,фойдали математик билимларни ўзларини ўраб турган дунѐдан оладилар. 
Ушбу марказда бошқотирма ва конструктор каби болалар йиғиши ва сочиб 
ташлаши мумкин бўлган нарсалар тўпланади.Бу ерда, шунингдек, болаларнинг 
бир хилда таққослашлари, турлича таснифлашлари, санашлари учун ѐрдам 
берадиган ўйинлар ҳам бўлиши керак. Бундай материаллар ҳам ақлий 
қобилиятни ўстиради, ҳам нозик ҳаракатланишни ривожлантиради, ҳам ўзини 
бошқаришни ўргатади. Материаллар билан ўртоқлашиш, келишиш ва 
муаммоларни ҳал этиш зарурати ижтимоий кўникмалар ривожланишига олиб 
келади. 
Мусиқа маркази 
Болаларга завқ баҳш этади, уларни тинчлантиради ва ҳиссиѐтнинг 
ривожланишига кўмаклашади. Ушбу марказдан бутун кун давомида 
машғулотларни бирлаштириш учун фойдаланиш мумкин. Куйлаш, ҳаракатлар, 
қарсак чалиш, ўйинлар, мусиқа асбобларида ўйнаш ва ѐзилган куй-қўшиқларни 
тинглаш ҳар қандай дастурни яхшигина тўлдиради. Мусиқавий машғулотлар 
зеҳнни тезлайди, ритмга, санашга ўргатади ва нутқни ривожлантиради; умумий 
ва нозик ҳаракатланишни (моторикани) мустаҳкамлайди ва ижодий қобилиятни 
намойиш этишга имкон беради. 

---

121