Касбий қайта тайѐрлаш йўналиши: Мактабгача таълим муассасалари

Ота-оналар мажлиси
. 
Ота-оналар мажлисига боғчадаги ҳамма гуруҳ 
болаларининг ота-оналари, параллел гуруҳлар ота-оналари ва битта гуруҳ 
болаларининг ота-оналари таклиф этилиши мумкин. 
Умумий мажлисда ота-оналарни мактабгача таълим ѐшидаги болаларни 
ҳар томонлама ривожлантириш ва тарбиялаш вазифалари, шу йилги режалар, 
ота-оналар қўмитасининг фаолияти, оила тарбиясидаги илғор тажрибалар 
билан таништирилади. Бунда мажлисда мудира ѐки методист-тарбиячи маърўза 
қилади, ота-оналар сўзга чиқишади, болалар гапиришади. Булар таълим-тарбия 
ишидаги ютуқ ва камчиликларни аниқлаб олишга имкон беради, оила ва 
жамоатчилик алоқасини мустаҳкамлайди, ота-оналарнинг ўз боласининг 
тарбияси учун жавобгарлигини оширади, уларда боғчага қизиқиш уйғонади. 
Гуруҳдаги ота-оналар мажлисида мазкур шдаги болаларнинг ота-оналари 
учун долзарб бўлган масалалар муҳокама қилинади. 
М: умумий мажлис мавзуси «Болаларга ахлоқий тарбия беришда оиланинг 
роли» 
бўлса, 
ўрта 
гуруҳда 
ўтказиладиган 
мажлисда 
бу 
мавзу 
мураккаблаштирилиб, «Болаларда меҳнатсеварликни тарбиялашда боғча ва 
оиланинг биргаликдаги ишлари», «Болаларда катталарга хурматни тарбиялаш» 
ва ҳ.к. бўлиши мумкин. 
Ота-оналар учун тайѐрланган маърўзани болалар ишини, тегишли 
мавзудаги кинофильм, диапозитивлар кўриш билан қўшиб олиб бориш мумкин. 

---

58 
Болалар ҳаѐти, фаолияти тўғрисидаги мисоллардан фойдаланганда ижобий 
материаллар кўпроқ бўлиши керак, салбий фактларни гапиришда эхтиѐткорлик 
ва одоб доирасидан четга чиқмаслик, танқид қилинувчиларнинг номлари 
кўрсатилмаслиги лозим. Танқидий мулохазалар мажлисдан кейин якка 
тартибдаги суҳбат орқали ота-оналарга етказилиши, бола тарбиясидаги хато ва 
камчиликларни бартараф этиш бўйича аниқ тавсиялар таклиф этилиши мумкин. 
Йилнинг охирида ўтказиладиган гуруҳ мажлисида ота-оналарга бир йил 
мобайнида амалга оширилган таълим-тарбия ишлари ва келгуси йилнинг 
режалари, хақида гапириб берилади. Бу мажлисда фаол ота-оналар ҳам хисоб 
берадилар ва фаолларнинг янги таркиби сайланади.