Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Цилиндрсимон тешикларни йўниб кенгайтиришда ишни развёртка ишчи қисмининг 3/4 қисми тешикдан чиққан пайтда якунлаш керак. Конуссимон калибрнинг кўндаланг чизиқларини йўниб кенгайтиришни вазиятга қараб тугалланади.
Конуссимон тешикларга ишлов бериш. Катта ўлчамдаги конуссимон тешикларга ишлов беришда асбоблар тўпламидан фойдаланилади. Дастлаб поғонали зенкер, кейин развёртка охирида эса силлиқ кесувчи тиғли конуссимон развёртка билан йўниб кенгайтирилади.
Машинада развёрткалаш. Развёрткани дастгоҳ патронига ёки ўтувчи втулка орқали шпинделга аста киритилади ва развёрткаланилади.
Меҳнат хавфсизлиги. Тешикларни развёртка билан йўниб кенгайтиришда ҳам пармалаш ишларидаги каби хавфсизлик қоидаларига риоя қилиш керак.

Развёрткалашда содир бўладиган нуқсонлар	Нуқсонлар содир бўлиш сабаблари	Тузатиш йўллари
Ўлчам сақланмаган, тешик сирти тоза эмас	диаметрига кўра развёртка нотўғри танланган	развёртка алмаштириш
	тешикка дағал ишлов берилган	тешик сиртини тозалаш
Сиртда майдаланиш излари мавжуд	развёртка силтаб буралган	развёрткани алмаштириш
	қўйим катта қўйилган	қўйимни камайтириш
	развёртка нотўғри чархланган	развёрткани бир текисда жойлаштириш
Сиртлар сидирилган	развёртка ҳар икки томонга айлантирилган	фақат ўнг томонга айлантириш
	развёртка ўтмас бўлиб қолади	янгиси билан алмаштириш
	қўйим катта қўйилган	қўйимни камайтириш
	совитувчи суюклик нотўғри танланган ёки кам миқдорда фойдаланилган	суюқликни алмаштириш ёки миқдорини ошириш