Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

12-МАВЗУ: Пармалаш

Режа:

1. 
   Кириш
   
2. 
   Пармалар конструкцияси
   
3. 
   Памалаш дастгоҳлари
   
4. 
   Пармалаш тартиби
   
5. 
   Меҳнат хавфсизлиги Кириш
   

Кесувчи асбоб – парманинг ўз ўқи атрофида айланма ва илгарилама ҳаракат қилиши туфайли яхлит материални тешиб, ундан қиринди ҳосил қилиш жараёни пармалаш деб аталади. Маҳкамлаш деталлари болт, винт, парчин мих, шпилка ва бошқа деталлар учун тешиклар очиш, резба кесиш, кенгайтириш, зенкерлаш учун деталлар ҳамда уларнинг қисмлари пармаланади.
Деталларни одатда, қўйиш, штамплаш ёки бошқа усуллар билан тайёрланганда сиртидаги тешикларни кенгайтиришга тўғри келади. Бундай холда тешик ўлчамидан каттароқ бўлган кесувчи асбоб танланади.
Спирал парма икки тишли кесувчи асбоб бўлиб, у ишчи ва қуйруқ қисмлардан тузилган. Ишчи қисми конуссимон (кесувчи) ва цилиндрсимон (йўналтирувчи) қисмларга бўлинади. Кесувчи қисмида иккита кесувчи қирра (учидаги бурчак) ва улар орасида, 45⁰-55⁰ бурчак ҳосил қилиб туташтиргич жойлашган. Туташтиргич ариқчалар орасида диаметри 0,15-0,2 мм ли ўзак борлиги туфайли ҳосил бўлади. Пармалашда туташтиргич кесмайди, балки металлни қиради. У пармани четлатишга, тешикни кенгайтиришга ёрдам беради.
Дастакли пневматик пармалаш машиналари электр машиналарига нисбатан содда ва ихчам тузилган. Асбобнинг куч юритмаси айланиш частотасини тепки билан бир маромда ўзгартириш имконини беради. Машинани ишлатиш жараёнида зўриқиш юз бериб, машина автоматик усулда тўхтайди. Алюмин, магнитли қотишмалар ва юмшоқ пўлатдан тайёрланган деталлар ёки заготовкаларни пармалашда айланиш частотаси 3500 айл/мин гача бўлган пневматик пармалаш машиналаридан фойдаланилади, легирланган деталларни пармалашда эса айланиш частотаси 1000 айл/мин гача бўлиши керак. Массаси 1,8 кг, шпинделининг айланиш частотаси 2500 айл/мин бўлган дастакли пневматик пармалаш машинаси Д-2. У қуйидагича ишлайди: қисилган ҳаво ротор билан статор ўртасидаги бўшлиққа кириб ишчи куракчаларни итариб, роторни айланишга мажбур қилади.
Дастакли пневматик пармалаш машинаси РС-8 нинг Д-2 дан фарқи махсус мосламани машина корпусига 20⁰ бурчак остида барашка билан маҳкамлаб қўйилишидадир. Мослама қувурида шарнирли вал бўлиб, у цангали тўғрилагични парма билан айлантиради.