Касб-ҳунар таълими маркази касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти

Эгов турлари: а-текис: б - ўткир учли текис; в-квадрат; г-
уч ёкли; д-юмалоқ, е- ярим
юмалоқ сегментли; жромбсимон; и-тишли
Йирик тишли эгов (рашпил)лар билан юмшоқ металларга (қўрғошин, қалай, мис) ва нометалл (чарм, резина, ёғоч, пластмасса) материалларга ишлов берилади. Умумий фойдаланиш учун.
Махсус эговлар (№1) бронза, жез ва дюралюминларни эговлаш учун ишлатилади. Улар қўш кертикли бўлиб, устки тишлари 45, 30 ва 50°, остки тишлари эса 60, 85 ва 60° бурчак остида тайёрланади. Эговларнинг қуйруқ қисмига ЦМ ҳарфлари тамғаланади.

Эгов дасталари ва уларни танлаш

Иш вақтида қулай ҳолда ушлаш учун эговнинг қуйруғига даста ўрнатилади. Улар ёғочдан, пластмасса ёки қоғозни пресслаб тайёрланади. Дастанинг сирти тоза, силлиқ ва эгов узунлигига мутаносиб бўлиши керак. Даста тешигининг диаметри эгов қуйруғи ўрта қисмининг энидан катта бўлмаслиги, чуқурлиги эса эгов қуйруғининг узунлигига тенг бўлиши керак. Тешик қўйдириш ёки пармалаш усулида очилади.
Ёрилиб кетишдан сақлаш учун дастанинг учига пўлат ҳалқа кийдирилади. Қуйруққа ўрнатишда уни тешикка киргизиб, эгов учини кучсизроқ зарба билан дастгоҳга урилади ёки болға билан қоқилади. Дастани эговдан чиқариш учун уни чап қўл билан маҳкам ушлаб болға билан дастанинг ҳалқасига урилади. Бу ишни гирада амалга ошириш ҳам мумкин.

Эгов дастасини ўрнатиш

ЭГОВЛАРНИ ТОЗАЛАШ

Хизмат муддатини ошириш учун вақти-вақти билан кордли чўткалар ёрдамида эговни қириндилардан тозалаб туриш керак. Чўтканинг бир (симли) томони кертикларнинг ботиқларида тиқилиб қолган қириндиларни чиқариб ташлаш, иккинчи томони эса тозалашни тугаллаш учун ишлатилади.

СИРТНИ ЭГОВЛАШ

Сиртни эговлаш мураккаб ва сермашаққат жараёндир. Эговлашда кўп учрайдиган нуқсон сиртларнинг текисликдан оғишидир. Бир йўналиш бўйича эговлашда сиртнинг тоза ва текис бўлиши қийин. Шунинг учун эгов йўналишини доимо бурчакдан-бурчакка ўзгартириш керак. Даставвал гира ўқига нисбатан 30°- 40° чапдан ўнгта, кейин эговни текисликдан олмай бошқа йўналишга, сўнгра қийшиқ штрих билан ўнгдан чап йўналишга йўналтириб эговланади. Шундай йўналиш билан ишлангандагина юзага керакли даражада ишлов бериш мумкин.