Kasb-hunar ta’limini boshqarish. Reja: I kirish

5. Boshqaruv faoliyatini amalga oshirishda marketing.

Bugungi kunda kasbiy ta’lim muassasalari ham bozor iqtisodiyoti qonuniyatlari asosida faoliyat ko‘rsatishi va ta’lim oluvchilarni raqobatbardosh qilib tayyorlashi talab etiladi. Bunda ta’lim muassasasining marketing xizmati muhim o‘rin tutadi. Marketing tadqiqotlari bir qancha keng sohadagi masalalarni qamrab oladi:

• 
  qisqa (1 yilgacha) muddatli ijtimoiy-pedagogik prognozlar;
  
• 
  uzoq (1 yildan ortiq) muddatli ijtimoiy-pedagogik prognozlar;
  
• 
  bozorning joriy va istiqbol potensialini o‘rganish;
  
• 
  bitiruvchilarning ish joylashuv statistikasi tahlili;
  
• 
  yangi sohalar mutaxassislarining ish o‘rinlarini o‘rganish;
  
• 
  yangi ish o‘rinlarini yaratishning yo‘nalishlarini tadqiq qilish;
  
• 
  bozor narxlarining belgilanish xarakterini o‘rganish;
  
• 
  ta’lim muassasasi ish faoliyatining samaradorligini belgilash.
  

Ta’lim muassasi boshqaruvning pedagogik yo‘naltirilganligi barcha imkoniyatlarni asosiy maqsad - yosh avlodni ijtimoiy ishlab chiqarish sohasiga muvaffaqiyatli kirib borishini ta’minlashga qaratilgan bo‘ladi. Ta’lim muassasi rahbari tomonidan olg‘a suriladigan rejalar, muhim tadbirlar jamoada muhokama qilinishi va muvofiqlashtirilishi lozim. Rahbarning bu boradagi harakatlari qo‘yilgan vazifani amalga oshirishga izchil va qat’iy yondoshib borilganda doimo qabul qilinadi va qo‘llab-quvatlanadi. O‘quv yurti rahbari jamoada o‘z ishini o‘zaro hurmat va talabchanlik asosida tashkil etishi lozim.

Rahbarlik qiluvchi shaxs o‘z xatti-harakatlari bilan jamoaga ibrat ko‘rsata olishi amalga oshiriladigan qat’iy choralarning tushunilishi va ijodiy samarasini ta’minlaydi.

Jamiyat hayotining turli sohalarida global o‘zgartirishlarni amalga oshirishning eng muhim muammolaridan biri boshqaruvchi kadrlar muammosidir. Ta’lim ham jamiyatning tarkibiy qismi sifatida hozirgi zamon sharoitida o‘quv yurti ishida boshqarish nazariyasidan foydalanish muammolarini yanada rivojlantirilishiga ehgiyoj sezadi.