Kasb hunar maktabi "tasdiqlayman"

tirqishi kamayadi, bu esa detallarni haroratli deformatsiyalarida, klapanlarni o‘z uyalariga zich o‘tirishini kafolatlatmaydi.Masalan, dvigatel ishlaganda, chiqarish klapanida issiqlik tirqishi haddan ziyod kichik bo‘lsa, tarelka o‘ta qizib ketadi, unda yoriqlar paydo bo‘ladi, klapan o‘rindig‘i yumshab, gazlar chiqib ketishi oqibatida uning yeyilishi tezlashadi. Ikkinchi tomondan, agar issiqlik tirqishi zarur miqdordan katta bo‘lsa, klapanlar ishlashida kuchli taqillashlar paydo bo‘ladi va gaz taqsimlash mexanizmi detallari jadallik bilan eyila boshlaydi. Amaliyotda issiqlik tirqishi, odatda, po‘lat shchup yordami bilan 20 - 25°C da aniqlanadi (25.6- chizma).Agar klapan yuritmasining po‘lat detallari hamda ular o‘rnatilgan aluminiy detallar harorati ko‘rsatilgandan farq qilsa, u holda tirqishga tuzatish kiritish lozim bo‘ladi, chunki detallarning harorati kamayganda o‘lchangan tirqish kichik, harorat ortganda esa katta bo‘ladi. Shuningdek, quyidagilarni ham e’tiborga olish zarur, tutashuvchi sirtlarning yeyilishi hisobiga ariqcha (4) hosil bo‘ladi va u o‘lchash jarayonida shchup ostida qoladi. Natijada haqiqiy tirqish shchup bilan o‘lchangan tirqishdan katta bo‘ladi (25.6-chizma, a). Shuning uchun yuritma richagini klapan bilan tutashadigan zonasidagi yo‘lini o'lchash uchun indikatordan foydalangan ma’qul.