Kasb-hunar kolleji

Lombard ssudasi - oson sotiladigan, ko’char mulkni garovga olib, qisqa muddatga beriladigan qarz.


M
Majburiyat - bu fuqarolik huquqiy munosabati bo’lib, unga asosan bir shaxs (qarzdor) boshqa shaxs (kreditor) foydasiga muayyan harakatni amalga oshirishga, chunonchi: mol-mulkni topshirish, ishlarni bajarish, xizmatlar ko’rsatish, pul to’lash va x.k., yoxud muayyan harakatdan o’zini saqlashga majbur bo’ladi, kReditor esa qarzdordan o’zining majburiyatlarini bajarishini talab qilish xuquqiga ega bo’ladi.
Majburiy zahiralar siyosati - MB tomonidan tijorat banklarining depozit bazasiga foiz darajasida o’rnatiladigan majburiy zahiralar yaratish talabi. Majburiy zahiralar siyosati birinchi navbatda tijorat banklarining kredit berish qobiliyatini susaytirib, muomaladagi pul massasini tartibga solishga xizmat qiladi.
Marja - 1. bankda, birja savdosida va sug’urtalash jarayonida foiz stavkalari, qimmatbaho qog’oz kurslari bahosi o’rtasidagi farqlar va boshqa ko’rsatkichlarni anglatish uchun qo’llaniladigan ibora. Bank terminologiyasida marja jalb qilinayotgan va berilayotgan qarzlar summasini turli xil toifadagi qarz oluvchilarga berilayotgan kredit stavkasi va h.q.ni bildiradi; 2. Depozit, garov ta’minoti yoki valyutalar kursini yo’l qo’yilishi mumkin bo’lgan tebranishlar bo’yicha qo’shimcha ulushi; 3. narxlar, kurslar, stavkalar o’rtasidagi farq; 4. qarz oluvchi kredit qiymatiga qo’shib to’laydigan ustama.
Marjali ssudalar - qarz oluvchiga kredit qiymatiga ustama qo’shish evaziga beriladigan ssuda.
Mahak toshi – kumush va oltinning tozaligini aniqlab beradigan qora tusli bir tosh.
Maxsus ssuda hisobvarag’i - bu ssuda hisob-varaqalar savdo bilan shug’ullanuvchi tashkilotlarga ochiladi.
Marketing - 1. ishlab chiqarish va mahsulot sotishning muayyan iste’molchilar talablarini imkon qadar to’laroq qondirish hamda shu asosda yuqori foyda olishga qaratilgan majmuaviy tizim; 2. bu bozor talabiga asoslangan va foyda olishni maqsad qilgan korxonalarning maishiy va savdo faoliyatini boshqarish tizimi. Banklarda asosiy tovar sifatida pul mablag’lari va bank xizmatlari tushuniladi.
Markaziy bank mijozlari – davlat hokimiyati va boshqaruv organlari, ularning muassasalari va tashkilotlari, O’zbekiston Respublikasi Mudofaa vazirligi, Ichki ishlar vazirligi, Milliy xavfsizlik xizmati, Favqulotdda vaziyatlar vazirligi, Davlat bojxona qo’mitasi, shuningdek, Markaziy bankka qarashli korxonalar, muassasalar va tashkilotlar.