Kasb-hunar kolleji

Qimmatli qog’ozlarning ikkilamchi bozori – bu ilgari chiqarilgan va hech bo’lmaganda bir marta xarid qilingan qimmatli qog’ozlar oldi-sotdisi (muomalasi) amalga oshiriladigan bozordir.
Qimmatli qog’ozlarning milliy bozori – bu fond boyliklari bilan davlat doirasida oldi-sotdi qilish sohasi tushuniladi. Mazkur bozorda Rezidentlarning qimmatli qog’ozlar bilan (Rezidentlar hamda norezidentlar tomonidan chiqarilgan qimmatli qog’ozlar bilan) o’zaro savdosini qamrab oladi.
Qimmatli qog’ozlarning xalqaro bozori - bu jahon miqyosida qimmatli qog’ozlar bilan savdo qilish (norezidentlar o’rtasida qimmatli qog’ozlar oldi-sotdisi bo’yicha operasiyalar bajarish) sohasidir.
Qimmatli qog’ozlar portfeli - investor tasarrufidagi barcha qimmatli qog’ozlar.
Qiymat - bu tovarda mujassamlashgan ijtimoiy mehnat sarfidir. Faqatgina ijtimoiy zaruriy ish vaqti jamiyat ehtiyojini qondirish uchun kerak bo’lgan vaqtdir. Shu sababli, bu vaqtni anglatuvchi qiymatni bozor tan oladi.
Qimmatli qog’ozlar bozori - u daromad keltiruvchi qimmatli qog’ozlar: aksiya, obligasiya, veksel, Chek, Depozit sertifikatlarining oldi-sotdi qilinishidir. Bu bozor fond birjasi deb yuritilib, u erda yirik korporasiyalarning, markaziy va mahaliy davlat mahkamalarining qimmatli qog’ozlari sotiladi va sotib olinadi.
Qimmatli qog’ozlarning nominal egasi – bu qimmatli qog’ozlarni ushbu qimmatli qog’ozlarning mulkdori bo’lmagan holda boshqa shaxsning topshirig’iga ko’ra o’z nomidan ushlab turuvchi shaxsdir.
Qisqa muddatli kreditlar - amal qilish muddati 12 oydan oshmaydigan ssuda bo’lib, uning uzaytirilishi kreditlanayotgan tadbirlarni o’tkazish muddati, ularning qoplanishi va boshqa shartlardan kelib chiqqan holda belgilanadi. Qisqa muddatli ssudalar kreditlarning boshqa turlariga nisbatan likvidliroq hisoblanadi.
Qoniqarli kreditlar - mijozning moliyaviy yoki kreditga layoqatliligi zaifligining aniqligi.
Qog’oz-pul standarti - oltin bilan ta’minlanmagan qog’oz pul muomalasiga asoslangan pul munosabatlari shakli.
Qoldiq qiymat – bu aktivning boshlang’ich qiymatidan yig’ilgan eskirish summasini ayirish orqali aniqlanadigan qiymatdir.