Kasb-hunar kolleji

Ipoteka krediti - kuchmas mulkni garovga olib, uzoq muddatga beriladigan kredit.
Iste’mol fondlari - deyilganda ijtimoiy rivojlantirish (kapital qo’yilmalardan tashqari), korxona hodimlarini moddiy rag’batlantirish, shu kabi tadbir va ishlarni amalga oshirish, lekin yangi korxona mulkini tashkil qilishga muljallangan tadbir hamda ishlar uchun yo’naltirilgan (foyda va boshq.) tushiniladi.
Iste’mol krediti - bu aholining iste’mol talablarini qondirishga beriladigan kredit. Bu kredit uy ro’zg’or buyumlarini: radio-elektron va boshqa maishiy asbob uskunalar, mebellar, interer buyumlari, turar joyni ta’mirlash bilan bog’liq tovarlarni harid qilish uchun 3 yilgacha muddatga beriladigan kredit.
Ishonchsiz kreditlar – ishonchsiz deb turkumlangan aktivlar qaytishi mumkin bo’lmagan aktivlar deb qaraladi. Bunday aktivlar juda pas qiymatga ega va ularni bank aktivlari sifatida hisobga yuritish maqsadiga muvofiq emas deb hisoblanadi. Bunday turkumlash bu aktivlarning hech qanday likvidasion bahosi yuq degani emas, lekin banklarga bunday aktivlarni o’z balansida yuritish tavsiya etilmaydi va bu aktivlar likvidasiya qilinishi kerak.
Ish haqi - moliyalash manbaidan qa’tiy nazar, pul yoki mahsulot shaklida hisoblangan ish haqining barcha turlari, shuningdek, ish haqi fondiga kiradigan turli mukofot, qo’shimcha to’lovlar, ustama haq, ijtimoiy imtiyozlar va boshqa to’lovlar tushuniladi.
Yig’ma varaqalarda - har kuni tegishli balans schyotlarida ochilgan analitik hisobining shaxsiy varaqlari bo’yicha, kunlik debet va kredit bo’yicha oborotlar va kun ohiridagi qoldiq hisoblab chiqiladigan varaq.
Yig’ma hujjatlar – bu hujjatlarda bir nechta operasiyalar amalga oshiriladi. Bu hujjatlarga: yig’ma to’lov topshiriqnomalar, to’lov talabnomalarning ro’yhati, cheklar ro’yhati, kassa kirim jurnallari, kassaning chiqim jurnallari va h.q.
Yillik hisobot - bir yillik davlat byudjeti daromadlari va harajatlarini aks ettirgan hujjat.