Касалликлари ва зараркунандаларига қарши

М е в а л и д а р а х т л а р

Шафтолининг барг бурамаси

Бу касаллик замбуруғли бўлиб, у билан бир неча йил сурункасига касалланса, дарахтлар қуриши мумкин. Барглар эрта баҳорда бурилиб, жингалак бўлиб қолади, йўғонлашиб қизғиш-пушти рангга киради, кейин эса қўнғирлашиб қурийди ва тўкилади. Янги ўсиб чиққан новдалар эса йўғонлашиб, қийшиқ бўлиб қолади. Касалликка қарши кураш чоралари қуйидагилар: Шафтолининг зарарланган новдаларини қирқиб ташлаш,
тўкилган баргларини олиб ташлаш. Куртак ёйиш даврининг бошида унга 3% ли Бордосс суюқлиги (100 литр сувга 3 кг мис купороси ва охак қўшиб) билан ишлов бериш. Гуллаши билан Каптан ёки Цинеб препаратлари билан ишлов бериш мақсадга мувофиқ бўлади.

Олма, нок ва шафтолидаги унли шудринг касаллиги

Бу касалликка йўлиққан дархатларнинг баргларида оқ унсимон ғубор пайдо бўлади, ўсимталарида эса унли шудрингнинг ранги кулранг ёки қўнғир қора бўлади. Касаллик билан зарарланган янги новдалар ўсишдан орқада қолади, уларнинг учлари қуриб қолиши мумкин, барглар эса буралиб қурийди, шоналар тўкилади. Шафтоли меваларида ғубор мева юзасини бутунлай эгаллайди. Шафтоли барглари қайиқча каби букланади ва қурий бошлайди, мевалар эса ёрилиб кетади. Касалликка қарши кураш чоралари қуйидагилар: Шафтоли ғунчалай бошлаганда унга 2% Коллоидли олтингугурт супензияси билан ишлов берилади, гуллагандан кейин 1% ли, 15-20 кундан кейин яна 1% ли Коллоидли олтингугурт супензияси билан яна ишлов берилади. Бундан ташқари, 10 литр сувга 2-3 грамм Вектра, 2 грамм Строби, 10 грамм Топсин-М, 2-3 грамм Топаз препаратлари билан ишлов бериш ҳам яхши натижаларга олиб келади. Хаво харорати кўтарилиб, 30 градусдан ошганда, туйилган Олтингугурт ва Охак (2:1 нисбатда) билан чанглатиш касалликка қарши курашишда яхши чоралардан бири хисобланади.

Олма ва нок калмарази

Бу касаллик барглар, мевалар, гуллар ва янги новдаларни зарарлайди. Баргларда қўнғир доғлар пайдо бўлиб, улар қораяди ва қурийди. Меваларида яра кўринишидаги айланасимон қотиб қолган бўртган доғлар хосил бўлади. Янги новдалар қўтир бўлиб қурийди. Замбуруғ дарахтнинг тўкилган баргларида ва янги ўсиб чиққан новдаларида қишлаб қолади.