Касалликлари ва зараркунандаларига қарши

Қуруқ чириш касаллиги замбуруғли касаллик бўлиб, картошкани сақлаш пайтида зарарлайди. Туганакларнинг юза қисмида хира қуруқ доғлар пайдо бўлади ва улар аста-секин катталашиб, картошканинг ички қисмига зарар етказадилар. Картошка сақлайдиган жойда харорат қанчалик юқори бўлса, бу касалликнинг пайдо бўлиш эҳтимоллиги хам шунчалик юқори бўлади ва энг аввало механик зарарланган (кесилган, кирқилган, эзилган, чақа бўлган) картошкалар бу касалликка дучор бўладилар. Профилактик тадбирлар сифатида картошка сақланадиган жойда кўрсатилган режимга қатъий риоя қилиш зарур бўлади. Яъни, харорат 1-3 градусдан юқори бўлиши керак эмас хамда нисбий намлик даражаси 85-90% бўлиши керак.
Хўл чириш касаллиги ҳам бактериялар ва микроорганизмлар томонидан пайдо бўлади хамда улар механик зарарланган ва музлаган картошкаларни ишдан чиқарадилар. Туганакларда ёмон хидли ириш пайдо бўлиб, у картошканинг тамоман чириб кетишига олиб келади. Бу касалликнинг олдини олиш учун картошка хосили йиғиб олингандан сўнг
уни яхшилаб қуритилади, сортировка қилинади, ёмонлари эса йўқотилади. Сақланаётган картошка вақти-вақти билан сараланиб турилади.
Макроспориоз ва фитофторага қарши 1% ли Бордосс суюқлиги эритмаси, шунингдек, Мис хлориднинг 0,3-0,5% ли эритмаси ёки Цинеб препаратининг 0,4-0,5% ли суспензияси пуркалади. Юқоридагилардан ташқари, Родомола, Авексидла, Арцерид, Деконил ёки Оксихоллардан бирортасининг эритмасини тайёрлаб, гектарига 2-2,5 кг дан сепилиши керак.
Картошкани карам, бодринг ва сабзидан сўнг экилиши мақсадга мувофиқ. Картошка яхши ўсиши учун юмшоқ, яхши ўғитланган тупроқлар талаб қилинади, гўнгни эса кузда ер хайдалишидан аввал солинади. Экиш учун 5 йилдан ортиқ вақт экилмаган ва текширилган навлар ишлатилади. Туганакларни ундириш, уларга кул билан ишлов бериш хосилдорликни оширади ва ўсимлик иммунитетини оширади. Картошка иситилган тупроққа экилиши керак. Экишда олдин картошка экилаётган уячаларга кул солиш яхши натижаларга олиб келади. Агар комплекс ўғитлаш талаб килинса, 1 қисм азотга 1,2-1,5 кисм фосфор ва 1,5 қисм калий аралаштирилади.