Karimjon rahimqulov bori nigmonov

III. QO‘L TO‘PI (GANDBOL)
Qo‘l to‘piga 1898- yilda asos solingan deb hisoblanadi. Ordrupe 
shahridagi gimnaziyalardan birining o‘qituvchisi Xolger Nilson 
futboldan farq qiladigan, qizlar uchun ham mos keladigan o‘yinni 
o‘ylab topdi. To‘pni uzatish va otish qo‘l bilan bajarilishini taklif 
qildi hamda bu o‘yinga «Handbol» deb nom berdi. 
1934- yilda birinchi xalqaro qo‘l to‘pi musobaqa qoidalari ish-
lab chiqildi. 
1936- yilda o‘tkazilgan Olimpiada o‘yinlarida qo‘l to‘pi o‘yinini 
11 : 11 varianti bo‘yicha musobaqa o‘tkazildi. 1938- yili bir payt-
ning o‘zida Germaniyada 11 : 11 va 7 : 7 variantlari bo‘yicha muso-
baqalar o‘tkazildi. 1950- yildan boshlab qo‘l to‘pining 7 : 7 varianti 
o‘ynab kelinmoqda. Qo‘l to‘pi bo‘yicha erkaklar o‘rtasida I jahon 
chempioanati 1970- yilda o‘tkazilgan bo‘lib, 1- o‘rinni Ruminiya, 
2- o‘rinni sobiq GDR, 3- o‘rinni sobiq Yugoslaviya terma jamoalari 
egallaladilar. Ayollar o‘rtasida 1- jahon chempionati 1971- yilda 
o‘tkazilgan bo‘lib, 1- o‘rinni sobiq GDR, 2- o‘rinni sobiq Yugos-
laviya, 3- o‘rinni sobiq ittifoq terma jamoalari egallagan. 
1972- yil Myunxenda o‘tkazilgan XX Olimpiada o‘yinlarida er-
kaklar o‘rtasida qo‘l to‘pi o‘yini dasturga kiritildi. 1- o‘rinni sobiq 
Yugoslaviya, 2- o‘rinni sobiq Ittifoq , 3- o‘rinni Ruminiya terma 
jamoalari egalladi. 
1976- yilda o‘tkazilgan Monreal Olimpiada o‘yinlari dasturiga 
ayollar o‘rtasida qo‘l to‘pi musobaqalari kiritildi. 1- o‘rinni sobiq 
Ittifoq , 2- o‘rinni sobiq GDR, 3- o‘rinni Vengriya terma jamoalari 
egalladi. 
Hozirgi kunda Xalqaro qo‘l to‘pi federatsiyasiga 123 davlat a’zo 
bo‘lib, jami 7 milliondan ortiq kishi qo‘l to‘pi bilan shug‘ullana-
di. Shu jumladan, 1,4 million shug‘ullanuvchi MDH mamlakatlari 
qo‘l to‘pi ixlosmandlaridir. 

---

76