Kamyob, tarqoq va nodir metallar ishlab chiqarish korxonalarini loyihalash asoslari

II. O‘quv fanning maqsadi va vazifasi

Fanni o‘qitishdan maqsad - talabalarda mantiqiy fikrlash, texnologik taffakkurini shakllantirish va rivojlantirish, o‘zining fikr-mulohaza, xulosalarini asosli tarzda aniq bayon etishga o‘rgatish hamda fan mazmuniga kiritilgan kamyob va tarqoq elementlar va ularning birikmalarini miqdoriy va sifat tavsiflari; kamyob metallar klassifikatsiyasi; kamyob metallar ishlab chiqarish texnologiyasi; kamyob va tarqoq elementlarning ko‘llanilish soxalari; texnologik jarayonlarning fizik-kimyoviy asoslash; kamyob elementlar saqlovchi mineral va ikkilamchi xom ashyoni qayta ishlashning samarali tizimlari; ishlab chiqarishning istiqbolli usullari; bir-biriga xususiyatlari yaqin elementlarni ajratish va tozalash usullarini o‘z ichiga olgan bo‘limlarda egallangan bilimlar bo‘yicha, ko‘nikma va malakalarni shakllantirishdir.

Fanning vazifasi - talabalarga ta'lim, ilm-fan va ishlab chiqarishning nazariy va amaliy masalalarini yecha olishga yetarli bo‘lgan kimyoviy va texnologik usullarni egallashga va uni qo‘llashga, shuningdek, texnologik masalalarning dastlabki tizimini (modelini) tuzish va tahlil qilishga o‘rgatishdan iborat.
Fan bo‘yicha talabalarning bilim, ko‘nikma va malakalariga quyidagi talablar qo‘yiladi. Talaba:
- “kamyob element”, “tarqoq element”, “radioaktiv element”, “kamyob metall”, elementlarning tasniflanishi va bu elementlarning zamonaviy texnika va texnologiyalardagi o‘rni;
- qiyin eriydigan kamyob metallar texnologiyalarini;
- turli xil ma'dan xom ashyosini qayta ishlash usullari haqida tasavvurga ega bo‘lishi kerak;
- xususiyatlari bir-biriga yaqin bo‘lgan kamyob va tarqoq elementlarni ajratishning kimyoviy usullarin;
- metallurgiya sistemalarini, sistemalardagi fazaviy muvozanatni, kamyob elementlar texnologiyasining geterogen jarayonlarini, kamyob elementlar gidrometallurgiya texnologiyasining gidrodinamik, issiqlik, massa va reaksion jarayonlarining fizik-kimyoviy asoslarini, moddalarning kimyoviy va instrumental analizi va sifatining nazorati bo‘yicha ko‘nikmalarga ega bo‘lishi kerak;
- metall saqlovchi ma'danlarni boyitish texnologiyasini, kuydirishni, ishqorlashni, parchalashni, eritmalardan sorbsiyalab olishni va kamyob elementlar konsentratlarini oksidlovchi kuydirish bo‘yicha ko‘nikmalarga ega bo‘lishi kerak;