Камол Раҳмонов вобкент тарихи

Вобкент иқтисодиёт касб-ҳунар коллежи
Вобкент иқтисодиёт касб-ҳунар коллежи 2005 йилда ташкил этилган бўлиб, 450 ўқувчи ўрнига мўлжалланган. Коллежда жами 829 нафар ўқувчи таълим олмоқда, шундан 1-курслар 287 нафарни, 2-курслар 267 нафарни, 3-курслар 275 нафарни ташкил этади. Ҳозирги кунда коллежда 8 та мутахассислик бўйича кичик мутахассислар тайёрланмоқда:
1. Бухгалтерия ҳисоби ва аудит
2. Банк иши
3. Ихтисослаштирилган (махсус) ва бошланғич таълим муассасалари тарбиячиси
4. Автомобилларга техник хизмат кўрсатиш бўйича техник-механик
5. Тикув ва тикув-трикотаж буюмларини ишлаб чиқариш техник-технологи
6. Копьютер ва компьютер тизимларини созлаш ва таъмирлаш техниги
Коллежда 61 нафар олий маълумотли педагог фаолият кўрсатиб, шундан 2 нафари олий тоифали, 4 нафари 1-тоифали ва 18 нафари 2-тоифали педагоглардир.
Коллежда ўқувчилар пухта билим олишлари учун барча шароитлар тўлиқ яратилган. Давлат стандартлари талабларига жавоб берадиган 2 та кимё, 2 та физика, 1 та биология лаборатория хоналари, рус тили, инглиз тили лингофон хоналари, 2 та информатика компьютер синфи хонаси, 1 та Тикувчилик устахонаси, спорт зал, спорт майдонлари ва 96 ўринга мўлжалланган ошхона мавжуд.
Коллежда Ахборот ресурс маркази мавжуд бўлиб, жами фонди 88557 донани ташкил этади. Шундан, умумтаълим фанлардан 3020 дона, махсус фанлардан 2680 дона, 900 дона қўлланма, 582 дона сиёсий адабиётлар, 452 дона бадиий адабиётлар, 307 дона электрон адабиётлар мавжуд. Вилоятда “Энг намунали Ахборот ресурс маркази” кўрик танловида коллеж ахборот ресурс маркази фахрли 1-ўринни эгаллади. Ахборот ресурс маркази интернет тармоғига уланган. Коллеж ўқувчилари “Ziyo Net” тармоғи орқали замонавий билим сирларини эгалламоқдалар.
Ишлаб чиқариш ва дипломолди амалиётларини ўташ учун ДТ Халқ банки Вобкент туман бўлими, ОАТБ Агробанк Вобкент туман бўлими, ТИФ Миллий банк Вобкент туман бўлими, Молия бўлими, Ғазначилик бўлими, Ўзагросуғурта ДАСК Вобкент туман бўлими, Вобкент давлат солиқ инспексияси, Вобкент туман пенция жамғармаси, Вобкент туман тиббиёт бирлашмаси ва туманнинг бошқа корхона ва ташкилотлари билан ҳамкорлик алоқалари ўрнатилган.
Коллеж ўқувчилари бир қанча ютуқларга эришишга муваффақ бўлдилар. Жумладан, коллеж 2-курс банк иши йўналиши ўқувчиси Эшонқулова Малика Бухоро вилоят хокими стипендияси совриндори бўлди. Коллеж ўқувчилар жамоаси футбол бўйича ўтказилган мусобоқанинг вилоят босқичида қатнашиб, фархли 1-ўринни эгалладилар. Коллеж 2-курс ўқувчиси Рамазонов Азиз спортнинг оғир атлетика тури бўйича Ўзбекистон чемпионатида қатнашиб, фахрли 2-ўринни эгаллади. 3-курс Молия йўналиши ўқувчиси Эргишев Ёрқин “Касбим менинг Фахрим менинг” кўрик танловида вилоят миқиёсида 2-ўринни эгаллади.
Коллеж битирувчиси Қурбонов Азизбек Миллий банки Вобкент туман бўлимининг 8 млн сўмлик тижорат кредити асосида тадбиркорлик фаолиятини ташкил этди ва “Энг яхши тадбиркор” кўрик танловининг Республика босқичида фахрли 1-ўринни эгаллади. Ўрта махсус касб-ҳунар таълими тизими ўқувчилари ўртасида “Ўйла, изла, топ” ёки “7х7” интеллектуал шоу беллашувида коллеж ўқувчилари жамоаси Республика босқичида 2-ўринни, “Касбим менинг Фахрим менинг” кўрик танловида Эргашев Ёрқин вилоят миқёсида 2-ўринни эгаллади. 3-курс Банк иши йўналиши битирувчиси Қулиева Гулноза Она тили ва адабиёти фанидан ўтказилган фан олипиадасининг Республика босқичида қатнашиб, фахрли 3-ўринни эгаллади.
Коллеж жамоаси 2007-2008 ўқув йили якунига асосан вилоят таълим муассасалари орасида “Энг яхши ТАЪЛИМ МУАССАСАСИ” наминацияси бўйича ғолиб бўлди. Шунингдек 2009-2010 ўқув йили якунлари бўйича вилоят ҳокими соврини учун ўтказилган “Йилнинг энг намунали ўрта махсус, касб-ҳунар таълими муассасаси” кўрик-танловида фаол иштирок этиб 1-ўринни эгаллади ва I-даражали диплом билан тақдирланди.
Коллеж жамоасига ҳозирги кунда Олим Бақоев раҳбарлик қилмоқда.