Камол Раҳмонов вобкент тарихи

САНИТАРИЯ – ЭПИДЕМИОЛОГИЯ МАРКАЗИ
1929-йилда марказий касалхона қошида санитария инспексияси бўлим сифатида ташкил этилади.
1930-йилда тропик касалликларга қарши курашиш мақсадида марказий касалхона қошидаги санитария инспексияси бўлими алоҳида ажралиб, Тропстансия ташкил этилади. Бу стансия ўз фаолиятини 1952-йилгача олиб боради.
1970 йилда марказий касалхона бўлими сифатида иш олиб бораётган санитария эпидемиология бўлими алоҳида корхона сифатида иш бошлади.
Бу шифо масканида Анна Васильевна Бондаренко, Мунаввар Ортиқова, Жалол Қурбонов каби раҳбар ва шифокорларнинг хизмати салмоқлидир.
1982-йилдан санитария-эпидемиология станциясида бош врач бўлиб ишлаётган Кенжа Тошпўлатов раҳбарлигида 15 дан ортиқ шифокорларнинг ғайратлари туфайли туман аҳолиси орасида қоқшол, қизомиқ, бўғма, қутириш, кўкйўтал, безак, афғон яра каби касалликлар бутунлай йўқолиб кетди.
Мустақилликнинг дастлабки йилларида станцияда ичимлик суви таркибини, озиқ-овқат каллорияси, мева-сабзавот ва полиз маҳсулотларининг сифатини аниқловчи лаборатория ташкил этилади. Шунингдек, атроф муҳитдан касаллик қўзғатувчи микроорганизмлар бор йўқлигини аниқлайдиган таҳлилхонанинг ташкил этилиши туманда юқумли касалликлар олди олинди. Сарғайма, қорин тифи, сальмонеллёз ва бошқа таносил орган касалликлари камайиб кетди.
Станция ходимлари Республика Соғлиқни Сақлаш Вазирлигининг дипломини олишга сазовор бўлади. Станцияда хизмат қилаётган Эргаш Ҳакимов,шарифа Самиева каби таҳлилчилар, Миннигул Аглигулина, Мунаввар Эргашева каби лаборантлар, БахшиллоТожиддинов, Аҳрор Норов , Махсад Махмудова, Неъмат Амонов, Ғайбулла Давронов, Шукрулла Эргашев каби шифокорлар, Ахад Ҳошимов, Ҳасан Бафоев, Қофи Амонов каби дезинфекторлар инсон саломатлиги йўлида хизмат қитлиб, халқ ҳурматига эришдилар.
Ҳозирги вақтда Аҳрор Норов раҳбарлигидаги аҳил жамоа меҳнат қилмоқда.
Спорт. 1994-2008 йилларда Муҳиддин Эсанов, 2008 йилдан ҳозиргача Асқар Жаводовларнинг Вобкент туманида ҳокимликлари даврида спортнинг кўпгина соҳаларига алоҳида эътибор қаратилганлиги натижасида улкан ютуқлар қўлга киритилди. “Вобкент” футбол клуби 2007-2008 йиллар мавсумида Ўзбекистон олий лигасида қатнашди. Боксчи Аббос Атоев бир неча турнирларда муваффақиятли қатнашиб, жаҳон чемпиони унвонига эга бўлди.