Kalsit CaCO3

Serussit – PbCO3. Yunoncha «serussa» oq bo‘yoq demakdir. Tarkibida PbO – 83,5 %, CO2 – 16,5 %. Mexanik aralashma holida SrO (3,2 %gacha), ZnO (4,5 %gacha) va boshqalar uchraydi. U rombik singoniyali, tabletkasimon, plastinkasimon, ba’zan nayzasimon ko‘rinishda bo‘ladi. Serussit – oq, qordek oq, yarim shaffof, ba’zan kul rang, tutunsimondan qoragacha. Uning qattiqligi – 3–3,5, solishtirma og‘irligi–3,8; mo‘rt; ulanish tekisligi mukammal. Serussit polimetall konlarning oksidlanish zonalarida yuzaga keladi. Gidrotermal jarayonda yuzaga kelgan selestin, barit, kalsit va sulfidlar bilan uchraydi. Serussit gipergen sharoitda galenit va anglezit hisobiga paydo bo‘ladi. Serussitning yirik uyumlari qo‘rg‘oshin olishda manba hisoblanadi.