Kadrlarni rejalashtirish Reja

Strategik rejalar uzoq muddatli istiqbolga (3-10 yil) mo‘ljallangan va global muammolarni hal qilishni nazarda tutadi. Strategik rejalashtirish ko‘p jihatdan tashqi omillarga bog‘liq - iqtisodiy, texnologik, ijtimoiy. Asosiy rivojlanish tendensiyalarini o‘z vaqtida hisobga olish, ularni xos sifatlarini baholash strategik rejalashtirishning asosiy vazifalari hisoblanadi. Strategik rejalashtirishga tashkilotning texnik siyosati va uzoq muddatli ishlab chiqarish dasturlari to‘g‘risidagi ma’lumotlar ham kiritilishi kerak.

Kadrlarni strategik rejalashtirish tashkilot (korxona)ni strategik rejalashtirishning ajralmas qismi hisoblanadi. Strategik rejalashtirish qarorlari asosiy hisoblanib, taktik rejalashtirish uchun asos bo‘ladi. Muammoga yo‘naltirilgan strategik rejalashtirishga taktik va operativ rejalarda aniqlik kiritiladi. Bundan tashqari, belgilangan parametrlar ichki va tashqi muhitdagi o‘zgarishlar to‘g‘risidagi ma’lumotlarni hisobga olgan holda korrekttirovka (tuzatish kiritish) qilinishi mumkin.