K. Z. Homitov iqtisod fanlar doktori, dotsent

(% hisobida)¹⁰

Mamlakatimizga kiritilayotgan xorijiy investitsiyalarda davlat kafolatining kamayib borishini xorijiy investorlarda respublikamizda olib borilayotgan iqtisodiy siyosatga bo‘lgan ishonch ortib borayotganligi bilan izohlash mumkin. Bu xorijiy investorlarni iqtisodiyotimizga qiziqishi ortrmoqda. Chunki ular uchun berilayotgan soliq imtiyozlari foyda olish imkoniyatini oshirmoqda va mavjud soliq mexanizmi ularni faoliyatini tartibga solmoqda.

Buning natijasi investitsiyalar moliyaviy manbalari tarkibiy tuzilishida ham sezilarli o‘zgarishlar ro‘y bermoqda.
Jadval ma’lumotlari bo‘yicha investitsiyalashning moliyaviy manbalari tarkibida davlat budjetining ulushi 2010-yildagi 7,8 foizdan 2014-yilda 4,5 foizga pasaygan bo‘lsa, korxonalar va aholi mablag‘lari ulushi tegishli ravishda 47,8 foizdan 54,7 foizga ko‘tarilgan. Chet el investitsiyalarining ulushi esa shu davrda 28,3 foizdan 19,8 foizgacha pasaygan (2.5.2-jadval).
2.5.2-jadval

O‘zbekiston Respublikasida investitsiyalarni moliyalashtirish manbalarining dinamikasi¹¹

Moliyalashtirish manbalari	2010	2011	2012	2013	2014	2014-yilda 2010- yilga nisbatan o‘zgarishi, foiz hisobida
Jami	100,0	100,0	100,0	100,0	100,0
Davlat byudjeti	7,8	6,0	5,1	5,3	4,5	-3,3
Byudjetdan tashqari fondlar	7,0	7,5	10,7	9,9	9,8	2,8
Xorijiy investitsiya va kreditlar	28,3	21,5	20,4	19,3	19,8	-8,5
Korxona va aholi mablag‘lari	47,8	53,4	52,7	55,2	54,7	6,9
Banklar kreditlari va boshqa jalb qilingan mablag‘lar	9,1	11,6	11,1	10,3	11,2	2,1

Haqiqatdan ham yurtimizda xorijiy investitsiyalar uchun qulay soliq muhitining yaratilganligini jahon moliyaviy-iqtisodiy inqirozi davrida ham kuzatdik va ishonch hosil qildik.

Hozirgi kunda, hukumatimiz tomonidan boshqa davlatlar bilan iqtisodiy manfaatli bo‘lmagan loyihalarni moliyalash to‘xtatila boshlandi. Hukumat tomonidan faqat iqtisodiy manfaat chegaralangan yoki umuman bo‘lmagan ijtimoiy muhim loyihalar kafolatlanadi. Bular, birinchi navbatda, suv ta’minoti,





¹¹ O`zbekiston Respublikasi Davlat statistika qo`mitasi ma’lumotlari asosida tuzilgan.
ta’lim va sog‘liqni saqlash, transport va aloqa infrastrukturasi sohalaridagi loyihalarni moliyalashtirish uchun jalb qilinmoqda.
Iqtisodiyotga jalb etilayotgan xorijiy investitsiyalarning tarmoq tarkibida jiddiy o‘zgarishlar sodir bo‘lmoqda. Iqtisodiyotni modernizatsiyalash sharoitida iqtisodiyotga yo‘naltirilgan xorijiy investitsiyalar tarkibida sanoat ulushi yetakchi o‘rinni saqlab turibdi va shu bilan birgalikda pasayish tendensiyasiga ega (2.5.3-jadval).
Xorijiy investitsiyalarining iqtisodiyot tarmoqlariga jalb etilishiga e’tibor beradigan bo‘lsak, 2011-yil sanoatning ulushi 42,5 % ni tashkil etgan bo‘lsa, bu ko‘rsatkich 2014-yilda 67,7 % ga ko‘tarilgan. Bundan tashqari qishloq xo‘jaligi tarmog‘ini rivojlantirishga qaratilgan hukumatning sa’y-harakatlariga qaramasdan qishloq xo‘jaligiga yo‘naltirilgan xorijiy investitsiyalar hajmi tarmoq ehtiyojiga nisbatan pastroq darajada saqlanib turibdi.
Iqtisodiyot tarmoqlari bo‘yicha chet el investitsiyalarining o‘zlashtirilishi yildan-yilga o‘zgarib bormoqda. Misol uchun 2011-yil chet el investitsiyalarini 41,3% ini transport va aloqa sohasi o‘zlashtirgan bo‘lsa, 2014-yil bu ko‘rsatkich 18,1 punktga pasayib, 23,2% ga yaqin xorijiy investitsiyalar shu sohaga yo‘nalatirildi.
2.5.3-jadval

Iqtisodiyot tarmoqlari bo‘yicha kiritilgan xorijiy investitsiyalar va kreditlar tarkibi, jamiga nisbatan foiz hisobida¹²