K. Z. Homitov iqtisod fanlar doktori, dotsent

Reinvestitsiyalar – investitsiyalardan olingan, qonun hujjatlarida taqiqlanmagan tadbirkorlik faoliyati va boshqa turdagi faoliyat obyektlariga kiritiladigan har qanday daromad, shu jumladan, foyda, foizlar, dividendlar, royalti, litsenziya va vositachilik haqi, texnik yorham, texnik xizmat ko‘rsatish uchun to‘lovlar hamda boshqa shakldagi mukofotlar.
Risk – bashorat qilinayotgan loyihani amalga oshirishda haqiqiy sharoitlardan ozgina chekinilganda daromadlarni ola olmaslik yoki zararlarning paydo bo‘lib qolish ehtimoli.
Riskdan qochish – risk bilan bog‘liq tadbirlardan voz kechishni bildiradi.
Riskni pasaytirish – ko‘zda tutilmagan xarajatlarni qoplash uchun zaxira mablag‘larini tashkil etish yo‘li bilan yo‘qotishlar hajmini qisqartirish.
Riskni ushlab qolish – investor zimmasiga riskni qoldirish, bunda investor o‘z kapitalini riskli tadbirlarga yo‘naltirayotganda, risklardan ko‘riladigan zararlarni qoplash uchun mablag‘i bo‘lishi kerak.
Riskni uzatish (sug‘urtalash) – investor risk xavfini kimningdir zimmasiga yuklaydi. Riskni sug‘urtalash, mantiqan olganda, muayyan risklarni sug‘urta kompaniyalariga berishni anglatadi. Uning mohiyati investorning riskdan qutilish maqsadida daromadning bir qismidan voz kechish orqali aks ettiriladi.
Selektiv risklar – kapital qo‘yilmasi, qimmatli qog‘ozlar va shu kabilar turini to‘g‘ri tanlamaganligi bilan bog‘liq risklar.
Sindikatlashmoq - sindikat tuzib birlashish investitsiyalarni moliyalashtirish tizimida yirik investitsiya loyihalarini birgalikda moliyalashtirishni tashkil etish usullaridan biri.
Sof joriy qiymat (NPV) - investitsiyalash obyektidan foydalanish davrida oldindan qat`iy belgilangan va o‘zgarmas foiz stavkasida olinadigan daromadlar va qilinadigan xarajatlarning alohida muayyan davrdagi barcha kirim- chiqimlarning diskotlashtirilishi yo‘li bilan olingan hamda ular o‘rtasidagi farqni ifodalovchi qiymat.
Sof risklar – salbiy natijani olish imkonini anglatadi va ular ta’sirida nolga teng bo‘lgan zarar(foyda) ko‘rish mumkin.