K. Z. Homitov iqtisod fanlar doktori, dotsent

Portfel investitsiyalar - kapitalni xorijiy korxonlar qimmatli qog‘ozlariga kiritish shakli.
Pudratchilar - yuridik va jismoniy shaxslar bo‘lib, ular buyurtmachilar tuzgan shartnomalar asosida ishlarni bajaradilar.
Pul – hamma tovar va xizmatlar ayirboshlanadigan, umumiy ekvivalent sifatida foydalaniladigan, boshqa barcha tovarlar qiymatini ifodalaydigan maxsus tovar.
Pul-kredit siyosati – davlat tomonidan iqtisodiy o‘sishni ta’minlash maqsadida pul muomalasini tashkil etish va barqarorligini ta’minlash uchun amalga oshiriladigan barcha chora-tadbirlar majmuyi.
Qaytariladigan lizing - lizing bitimlarining bir turi. Mohiyati bo‘yicha u ikki taraflama lizing bitimidir. Lizing shartnomalarini bunday lizingga oluvchi bir vaqtning o‘zida lizingga olinadigan mol-mulkning “yetkazib beruvchisi” bo‘lib hisoblanadi, boshqacha qilib aytganda, uskunaning egasi uni lizing kompaniyasiga sotadi va bir vaqtning o‘zida lizingga oluvchi sifatida u bilan ushbu uskuna bo‘yicha lizing shartnomasini tuzadi.
Qo‘shma korxona - O‘zbekiston Respublikasida nizom kapitalining kamida 25 % i xorijiy investorlarga tegishli bo‘lgan va xorijiy investor faqat yuridik shaxs bo‘lgan korxonalar.
Qurilishda ish hujjatlari – alohida binolar va inshootlarga hamda ish turlariga ish chizmalari komplekti.
Qurilishlarning aniq mo‘ljalli ro‘yxati – obyektlar ro‘yxatini, shuningdek, ulardan foydalanish yo‘nalishlari bo‘yicha ishlar va xarajatlar hajmini o‘z ichiga oluvchi har yili buyurtmachilar tomonidan ajratilgan limitlar doirasida tuziladigan moliyaviy hujjat.
Qurilishning titul ro‘yxati - qurilishning butun davriga kapital qo‘yilmalar hajmini va uni sarflash yo‘nalishlarini ko‘rsatgan, uning texnik- iqtisodiy ko‘rsatkichlarini aks ettirgan holda har bir obyekt bo‘yicha tuziladigan moliyaviy hujjat.
Rekonstruksiya (qayta ta’mirlash)  faoliyat yuritayotgan korxonani ma’naviy va jismoniy eskirgan qurilma va asbob-uskunalarni ishlab chiqarishni mexanizatsiyalashtirish va avtomatlashtirish, texnologik bo‘g‘inlar va
yordamchi xizmatdagi nomutanosibliklarni yo‘qotish yo‘li bilan almashtirish yordamida to‘liq yoki qisman o‘zgartirish.
Rentabellik – korxona faoliyatining foydalilik darajasi. Uning uch xil ko‘rsatkichi mavjud: korxona aktivlari rentabelligi, xususiy kapital rentabelligi va sotilgan mahsulot rentabelligi.