K. Z. Homitov iqtisod fanlar doktori, dotsent

Investitsiya dasturi – ishlab chiqarishni rivojlantirish maqsadida mamlakat yoki chet ellarda iqtisodiyotning turli tarmoqlariga uzoq muddatli kapital kiritish uchun ishlab chiqilgan chora-tadbirlar kompleksi.
Investitsiya faoliyati - iqtisodiy va boshqa faoliyat obyektlariga resurslarning kapitallashuvini ta’minlash va foyda (daromad) olish maqsadida investorlarning resurslarni jamg‘arish hamda ularni turli shakllarda qo‘yish bilan bog‘liq bo‘lgan barcha amaliy harakatlari yig‘indisi.
Investitsiya faoliyati ishtirokchilari - buyurtmachilar, pudratchilar, yetkazib beruvchilar, banklar, sug‘urta kompaniyalari, loyihalovchilar, vositachilar, ilmiy-maslahat firmalari, o‘z mamlakatidagi qonunchilikka ko‘ra investitsiyaviy mulk egalari (tasarrufchilari) yoki buyurtmalardan foydalanuvchi sifatida qatnasha oluvchi xorijiy tashkilotlarni kiritish mumkin.

Investitsiya loyihalarining iqtisodiy samaradorligini baholash usullari

– uzoq muddatli kapital qo‘yilmalarni kelajakda qoplanishini va foydaliligini baholash maqsadida turli obyektlarga ularni kiritishning maqsadga muvofiqligini aniqlash yo‘llari.
Investitsiya lоyihаsi - iqtisоdiy, ijtimоiy vа bоshqа mаnfааt ko‘rish mаqsаdidа investitsiyalаr kiritgаn hоldа оldindаn bеlgilаngаn muddаt mоbаynidа аmаlgа оshirilаdigаn o‘zаrо bоg‘liq tаdbirlаr vа ishlаr kоmplеksi.
Investitsiya muhiti – investitsiyalar jozibadorligi hamda xavf-xatar darajasini belgilab beruvchi ijtimoiy-iqtisodiy, moliyaviy va siyosiy omillar majmuyi.
Investitsiyalarning rentabelligi usuli (PI) - diskontlashtirilgan daromadlarning diskontlashtirilgan investitsiya xarajatlariga nisbati.
Investitsiyalarning qoplash muddati - pul oqimlarini diskontlashga asoslangan usullardan farqli ravishda, investitsiyalarning nominal miqdorda qaytarilishi mumkin bo‘lgan davrni aniqlash.
Investorlar - xususiy va qarzga olingan mulkiy hamda intellektual qiymatlarni sarflash haqida qaror qabul qiluvchi investitsiya faoliyati subyektlari. Investorlar obyektlar va investitsiya natijalariga egalik qilish, foydalanish va tasarruf qilish huquqiga ega bo‘ladi.