K o` chirma qatnashdilar: p f. n. Yelemesova Z. A., dots. Suyunov M. S., Katta o`qituvchilar

“TOPAG`ON”

O`qituvchi biror belgi asosida savol beradi. O`quvchilar shu belgini o`zida jam qilgan predmetlar nomlarini yozadilar. Eng ko`p tog`ri javob topgan o`quvchi g`olib sanaladi. Bu o`yinni o`tkazish o`quvchilarga so`z turkumlari haqidagi dastlabki ma`lumotlar berish jarayonini yengillashtiradi. Bundan tashqari, bolalar so`z boyligi ortib, ularda hozirjavoblik, mustaqillik, ziyraklik, ijodkorlik kabi sifatlar shakllanadi.
1-variant: Savol: Nima oq rangda ?
Javob: Qog`oz, daftar, surp, bulut, parda buvimning sochlari, qor.
2-variant: Savol: Nima yumshoq?
Javob: Non, xamir, yostiq, ko`rpa, paxta.
3-variant: Savol: Nigora nima qilyapti?
Javob: Kitob o`qiyapti, kir yuvyapti, qo`shiq aytyapti.

“NOTO`G`RI JUMLA”

Bu o`yin suratlar asosida o`tkaziladi. O`qituvchi ma`lum bir suratni tasvirlab berish jarayonida suratlarga tegishli bo`lmagan jumlalarni ham ishlatadi. O`quvchilar ziyraklik bilan shu jumlani topishlari lozim.
O`quvchilardan bu o`yin davomida ziyraklik, sinchkovlik, kuzatuvchanlik va diqqat talab qilinadi. Ya`ni ular suratni kuzatish bilan birga o`qituvchining hikoyasini ham diqqat bilan tinglab turadilar. Har bir noto`g`ri jumlani topa bilish ularning sinchkovligini o`ziga bo`lgan ishonchini va darsga qiziqishini orttiradi.
Bu o`yindan faqat ona tili darslarida emas, balki darsdan tashqari mashg`ulotlarda ham foydalanish mumkin.
Samad aka duradgor. Uning qo`li gul. U o`g`illariga ham duradgorlikni o`rgatgan. Ular qushlar uchun in yasashdi, singlisi Nigora ularga choy olib keldi.
(Javob: Nigora suratda tasvirlanmagan).

“DAVOM ETTIR”

O`qituvchi hikoyani boshlab beradi. O`quvchilar uni davom ettiradilar. Bunda o`quvchilarda ijodkorlik qobiliyati rivojlanib, bayon yoki insho kabi ijodiy ishlar yozish malakasi rivojlanadi va so`z boyligi ortadi. Bundan tashqari, ularda mustaqillik, o`z kuchiga ishonch hissi rivojlanadi.
“Davom ettir» o`yinidan ona tili, o`qish darslarida yoki darsdan tashqari mashg`ulotlarda foydalanish mumkin.
1-variant: «Umida barvaqt maktabga kelayotganida yo`lda ...”
2-variant: «Havo ilib, qorlar eriy boshladi ...”
3-variant: «Biz, sinfimizdagi barcha o`quvchilar, hayvonot bog`iga bordik
“Sirli so`z”
O`qituvchi o`quvchilarga sirli katakchalarda bir xil so`z necha marta yozilganligini topishni aytadi. Eng ko`p topgan o`quvchi g`olib sanaladi. «Sirli so`z» o`yini o`quvchilarga boshqotirmalarni hal etishdagi dastlabki ma`lumotlarni beradi va ularning dunyoqarashini kengaytirishga yordam beradi.
« Sirli so`z`` o`yini ona tili, o`qish darslari samaradorligini oshirish uchun yoki turli ertaliklarning qiziqarli o`tishi uchun juda qo`l kelishi mumkin.

n	o	n
0	o	0
n	0	n