K o` chirma qatnashdilar: p f. n. Yelemesova Z. A., dots. Suyunov M. S., Katta o`qituvchilar

Bitiruv malakaviy ishining maqsadi : 2-sinf ona tili va o`qish darslarida tarqatma materiallardan foydalanish orqali o`quvchilar nutqini rivojlantirishning samarali metodlari va usullarini aniqlash bilan belgilanadi.
Bitiruv malakaviy ishining vazifalari : 2- sinf ona tili va o`qish darslarida o`quvchilar nutqini o`stirishning, xususan, tarqatma materiallardan foydalanishning psixologik va metodik asoslarini belgilash; tarqatma materiallardan foydalanishning ilmiy asoslangan, amaliyotda tekshirib ko`rilgan eng samarali yo`llari, usullari va bular bo`yicha topshiriqlar tizimini ishlab chiqish.
Bitiruv malakaviy ishining predmeti: 2-sinf ona tili va o`qish darslarida tarqatma materiallardan foydalanishni samarali tashkil etish jarayonidir.
Bitiruv malakaviy ishining obyekti: 2-sinf ona tili va o`qish darslarida tarqatma materiallardan foydalanishning ilmiy asosini va topshiriqlar tizimini ishlab chiqish.
Bitiruv malakaviy ishining ilmiy farazi: 2-sinf ona tili va o`qish darslarida tarqatma materiallardan foydalanishning ilmiy asosi va topshiriqlar tizimi ishlab chiqilsa, boshlang`ich sinflarda “Ona tili” dasturi takomillashtirilsa, “Ona tili” darsliklari, o`quv qo`llanmalari va didaktik materiallar mazmuni shunday so`zlar bilan boyitilsa, o`quvchilar nutqini faollashtirishga qaratilgan mashqlar tizimi va tarqatma materiallardan foydalanish tizimi ishlab chiqilsa, bularning o`quvchilar nutq madaniyatini shakllantirishdagi o`rni, nutqning ta`sirchanligini oshirishdagi ahamiyati ko`rsatilsa, o`quvchilarda muomala odobi shakllanadi, ularda chiroyli so`zlash madaniyati yuzasidan ilk tushuncha va malakalar hosil bo`ladi, bolalarning tevarak - atrofni aniq, to`g`ri har taraflama idrok etishlari ta`minlanadi; binobarin, darslarning samaradorligini bir pog`ona yuqori ko`tarish imkoniyati yuzaga keladi.
Bitiruv malakaviy ishining metodologik asosi: O`zbekiston
Respublikasining “Ta`lim to`g`risida”gi Qonuni, “Kadrlar tayyorlash Milliy dasturi”, davlat hujjatlari, shuningdek, boshlang`ich ta`lim bo`yicha Davlat ta`lim standartlari, “Boshlang`ich ta`lim konsepsiyasi”, ona tilidan o`quv dasturlari, maktab darsliklari, boshlang`ich sinflarda maktab darsliklarini yaratish mezonlari, pedagogika, psixologiya va ona tili o`qitishning nazariy asoslarini tashkil etadi.