K. N. Nishonboyev. J. H. Xamidov

19-Mavzu. Ontogenezning qaltis davrlari. Rivojlanish anomaliyalari 
va nuqsonlari. Gomeostaz. Regeneratsiya. Transplantatsiya 
 
Mavzuning mazmuni  
Ontogenezning qaltis davrlari - rivojlanayotgan organizmning tashqi va ichki 
ta’sirotlarga eng sezgir va chidamsiz davri. Odam ontogenesida 3 ta asosiy qaltis davr 
tafovut etiladi: 
1. Implantatsiya (otalanishdan keyin 6-7 kunlar) 
2. Placentatsiya (homilaning 2- haftasi oxiri) 
3. Perinatal (tug‘ilishga yaqin, tug‘ulish va ilk chaqaloqlik davrlari). 
I.Implantatsiya davrida  blastotsistaning bachadon devoriga yopishishi,  homilaning 
ovqatlanishi, gaz almashinishi o‘zgarib, yangi sharoitga moslashishi kuzatiladi. 
II.Placentatsiya davrida yoldosh rivojlanadi. Homila yo‘ldosh orqali ovqatlanish va 
gaz almashinishiga o‘tadi, yangi moslashishlar paydo bo‘ladi. 
III.Perinatal' davr - pusht va chaqaloqning yashash sharoiti keskin o‘zgarishi, hamma 
sistemalar faoliyatning qayta o‘zgarishi bilan bog‘liq.