К. М. Рафиков – Ўзбекистон касаба уюшмалари Федерацияси раиси

Оилавий тадбиркорлик асосида 
қўшимча иш 
ўринлари ва даромад манбаларини яратиш

---

521 
кредитларга устувор равишда кафилликлар ва фоиз харажатларини қоплаш 
учун компенсациялар ажратади.
Мамлакатдаги тижорат банклари томонидан имтиёзли кредитлар эса:
–
энг кам иш ҳақининг юз эллик бараваригача миқдорда – оилавий 
тадбиркорликни ривожлантириш учун ҳудудларни ижтимоий-иқтисодий 
ривожлантириш бўйича секторлар раҳбарлари ва маҳалла фуқаролар 
йиғини тавсияномалари;
–
энг кам иш ҳақининг минг бараваригача миқдорда – белгиланган 
тартибда давлат рўйхатидан ўтган кичик тадбиркорлик субъектларига 
учинчи шахс кафиллиги, суғурта полислари, кредит ҳисобига сотиб 
олинаётган мол-мулклар гарови, Жамғарманинг кафиллиги ва қонун 
ҳужжатлари доирасидаги бошқа таъминот турлари;
–
энг кам иш ҳақининг минг бараваридан ортиқ миқдорда – тад-
биркорлик субъектларининг инвестициявий лойиҳаларини кредитлашда 
қонун ҳужжатлари доирасида белгиланган таъминот турларига асосан 
ажратилади. 
“Ҳар бир оила – тадбиркор” дастури ҳудудий даражада 2018 йил 10 
июндан бошлаб намунавий тарзда Андижон вилоятининг туман ва 
шаҳарларида амалга оширила бошланди. Ҳудудий дастурни молиявий 
таъминлашга хорижий молия институтлари кредит линияларидан 200 млн. 
АҚШ доллари ажратилди. 
Маблағлар уларнинг салоҳияти, мурожаатларнинг асосланганлиги, 
лойиҳаларнинг истиқболи ва қўшимча иш ўринлари яратишга йўналтирил-
ганлиги ҳамда ҳақиқий эҳтиёждан келиб чиққан ҳолда Андижон вилояти 
тижорат банклари ва туманлар (шаҳарлар) кесимида тақсимланди. Улар, ўз 
навбатида, бўлажак тадбиркорларга маблағ ажратиб бердилар.
Мамлакатнинг бошқа ҳудудларида дастур уни амалга оширишнинг 
аниқ молиявий манбалари ва ҳисоб-китобларини назарда тутган ҳолда 
Ўзбекистон Республикаси Вазирлар Маҳкамасининг қарори асосида 
амалга оширилмоқда. 
“Ҳар бир оила – тадбиркор” дастури доирасида кўп қаватли уйларда 
истиқомат қилувчи аҳолига касаначилик ва кичик ҳажмда маҳсулот ишлаб 
чиқарувчи микрофирмаларни ташкил этиш орқали қўшимча даромад 
топиш имконияти яратилди
1
. 
1
Ўзбекистон Республикаси Президентининг 2018 йил 7 июндаги “Ҳар бир оила – 
тадбиркор” дастурини амалга ошириш тўғрисида”ги қарори // ЎзА, 08.06.2018 й. 

---

522