K I m y o ki my oga oi d atama lar etimilo gi ya si

Radiy va radon 
Jahonning deyarli  hamma tillarida bir xil  yangraydigan ushbu terminlar lotinchadagi 
«radius» - nur va «radiare» - «nur taratmoq» so‘zlaridan yasalgan. Radiyni kashf qilgan er-
xotin olimlar Pyer va Mariya Kyurilar, uning ko‘zga ko‘rinmas nurlanishlar taratish xossasiga 
ko‘ra shunday nom berishgan. Biz yaxshi taniydigan «radio», «radiatsiya», «radiolokatsiya» 
so‘zlarining ildizi ham aynan shu so‘z bilan bog‘liq. Umuman olganda, lug‘atlarda  «radio-» 
bilan boshlanuvchi yuzlab so‘zlarni uchratish mumkin. Hammasining tub ildizi o‘sha lotincha 
radius bo‘lib qolaveradi. Radiy radioaktiv parchalanish jarayonida radioaktiv gaz hosil qiladi. 
Ushbu  gazni  dastavval  radiy  emanatsiyasi  deb  nomlashgan  edi.  Ushbu  so‘z  lotinchadagi 
«emanatio», ya’ni, «oqib chiqish» so‘zidan yasalgan. Ya’ni, xuddiki, radiy gaz tarzida «oqib» 
tarqalib ketmoqda edi. Keyinchalik, radiyning radioaktiv parchalanishidan hosil bo‘layotgan 
mazkur gaz o‘zi ham alohida, mustaqil kimyoviy element sifatida identifikatsiyalandi va unga 
radon  nomi  berildi.  Naql  qilinishicha,  radon  gazi  uchun  ushbu  nomni  mashhur  fizik  Ernest 
Rezerford taklif qilgan ekan. U «radiy emanatsiyasi» so‘zining inglizchasi bo‘lgan «radium 
emanation» so‘zidagi dastlabki va oxirgi bo‘g‘inlarni birlashtirish orqali ushbu nomni yasagan 
degan  fikr  mavjud.  Boshqa  bir  kimyogarlarning  fikricha  esa,  radon  nomi  shunchaki  boshqa 
nodir gazlar – neon, ksenon, kripton va argon gazlari nomlari bilan  o‘xshash bo‘lishi uchun 
shunday nom tanlangan ekan...   
 

---

55