К. Б. Уразов, Н. У худайбердиев, М. М. Ибрагимов, Д. К. Уразов

Жами	8 900 000	Жами
12 900 000
Сальдо (зарар)		Сальдо (фойда)	4 000 000

Солиқгача фойда (зарар). Ҳисобот йилнинг солиқгача фойдаси (зарари)ни топиш барча даромад ва харажатларни 9910 “Охирги молиявий натижа” счётида акс эттириш ва ушбу счётнинг дебет ва кредит оборотлари суммасини таққослаш йўли билан амалга оширилади. Жумладан, даромадларни акс эттирувчи барча счётлар (9010-9030, 9310-9390, 9510-9590, 9710)нинг кредитида тўпланган сумма йил охирида 9900 счётнинг кредитига, харажатларни акс эттирувчи барча счётлар (9110-9130,9410-9430,9610-9690, 9720)нинг дебетида тўпланган сумма йил охирида 9900 счётнинг кредитига, ўтказилади, яъни:
Дебет 9010-9030,9310-9390,9510-9590 ,9710 Кредит 9910
Дебет 9910 Кредит 9110-9190,9410-9430,9610-9690,9720
Агар, 9910 счётнинг кредит обороти дебет оборотидан катта бўлса, у ҳисобот йилида корхона солиқгача фойдага, дебет обороти кредит оборотидан катта бўлса, у ҳолда корхона солиқгача зарарга эришган ҳисобланади.
Турли фаолият билан шуғулланувчи ва фаолият турлари бўйича турлича солиқ тўловчи корхоналар солиқгача фойда (зарар)ни фаолият турлари бўйича алоҳида-алоҳида ҳисоблашлари мумкин. Бунинг учун даромадлар ва харажатлар ҳам фаолият турлари бўйича алоҳида ҳисобга олиб борилган бўлиши лозим.
21-сон БҲМСга асосан ҳисобот йилнинг фойдасини ишлатилиши 9810 “Фойдани солиқлар ва тўловлар учун ишлатилиши ҳисоби счётлари”да акс эттирилади. Ушбу актив счётнинг дебетида йил мабойнида фойда солиғи (умумсолиқларни тўловчилар) ёки ялпи тушумдан ягона солиқ тўлови (ихчамлаштирилган солиқни тўловчилар) акс эттирилади. Бунда ушбу солиқлар бўйича бюджет олдидаги қарзларни ифодаловчи 6400 “Бюджетга тўловлар бўйича қарзлар ҳисоби счётлари” (мос равишдаги счётлар) кредитланади.
Ҳисобот даври охирида 9800 счётнинг дебетида тўпланган солиқ тўловларининг суммалари унинг кредитида ва 9910 “Якуний молиявий натижа” счётининг дебетида акс эттирилади ва шу асосда фойданинг ишлатилиши ҳисоби счётлари ёпилади.