Jumaboyev Nu’mon Zayniddinovich Bajardi: Mirmansurov N. M tekshirdi: Toshkent 2021

Mijozlarga xizmat koʻrsatish:
Mijozlarga bankning barcha xizmatlar majmuasi faqat Front-ofis boʻlimida koʻrsatilganligi bois, mazkur boʻlim bank xizmatlarining barcha turlarini yaxshi biladigan malakali mutaxassislardan tashkil etilishi shart.
Bunda, shart-sharoitlar va bank tomonidan mijozlarga koʻrsatilayotgan xizmatlar roʻyxati eʼlon qilinishi hamda mazkur xizmatlardan bankning mavjud va boʻlgʻusi mijozlari xabardor qilinishi shart.
Xizmat koʻrsatish jarayonida nostandart — koʻzda tutilmagan holatlar kelib chiqishi ehtimoli mavjudligini inobatga olgan holda, aniq xizmatlar turi (misol uchun, eksport yoki import shartnomalarini roʻyxatga olish va hisobi) boʻyicha paydo boʻlgan savollarni joyida hal qiluvchi va tegishli operatsiyalarni butunlay nazorat qilish salohiyatiga ega boʻlgan yuqori malakali mutaxassislar bilan jamlangan boʻlishi kerak.
Shundan kelib chiqqan holda, operatsiyalarni amalga oshirishda masʼul ijrochi bilishi lozim boʻlgan qonunchilik doirasi qanchalik kichik boʻlsa, uning ishi tez va sifatli boʻladi.
Shuning uchun, Front-ofis masʼul ijrochilari oʻrtasida mijozlarni taqsimlashda, bir masʼul ijrochida bir toifali mijozlar boʻlishi maqsadga muvofiqdir. Bunda, mijozning mavjud barcha hisobvaraqlariga bir masʼul ijrochi tomonidan xizmat koʻrsatilishi shart.
Front-ofis xodimlarini mijozlarning jismoniy va yuridik shaxslar toifasi boʻyicha guruhlash lozim. Qonunchilik bazasi turli (yoki bir) xilligiga bogʻliq holda, yuqorida qayd etib oʻtilgan mijozlarni yanada kichik boʻlgan quyidagi turlarga boʻlish mumkin:

• 
  faqat milliy valyutada operatsiyalarni amalga oshiradigan mijozlar;
  
• 
  milliy va chet el valyutasida operatsiyalarni amalga oshiradigan mijozlar.
  

Turli qonunchilik taʼsir doirasida boʻlgan mijozlarning quyidagi toifalari boʻyicha guruhlarga boʻlish tavsiya etiladi:

• 
  Korxona va tashkilotlar:
  
• 
  oʻz faoliyatini mamlakat doirasida va xorijda amalga oshiradigan har qanday tashkilotlar, shuningdek, chet el vakolatxonalari, yoki milliy va chet el valyutasida hisobvaraqlari mavjud boʻlgan har qanday tashkilotlar;
  
• 
  oʻz faoliyatini faqatgina mamlakat doirasida amalga oshiruvchi yirik (korporativ) mijozlar;
  
• 
  kichik biznes va tadbirkorlik subyektlari hamda boshqa tashkilotlar, shuningdek, yuridik shaxs maqomiga ega boʻlmagan yakka tartibdagi tadbirkorlar.
  

Jismoniy shaxslar:

• 
  milliy va chet el valyutasida hisobvaraqlari mavjud boʻlgan jismoniy shaxslar;
  
• 
  faqat milliy valyutada hisobvaraqlari mavjud boʻlgan jismoniy shaxslar.
  

Bankning Front-ofis boʻlimidagi har bir guruh mutaxassisi mijozlarga koʻrsatiladigan toʻliq standart xizmatlar roʻyxatini ularga taqdim etadi.
Xodimlar guruhi tomonidan mijozlarga koʻp operatsiyalar turi boʻyicha xizmat koʻrsatilsa, mazkur guruhga kamroq mijoz taqsimlanishi lozim. Chunki, koʻp turli operatsiyalar bajaruvchi mijozning bitta tashrifi boʻyicha unga xizmat koʻrsatish bank xodimining koʻp vaqtini egallaydi.