ЙўРИҚнома I қисм. Умумий қоидалар

Т/р	Хўжалик операцияларининг мазмуни
Счётларнинг боғланиши
Дебет	Кредит
1.	Жўнатилган товарлар ва кўрсатилган хизматлар (ҚҚС, акцизлардан ташқари) учун харидорларга тақдим этилган ҳисоб-китоб ҳужжатларидаги суммага	4010, 4020	9030
2.	Хизматларни нақд пулга сотиш	5010, 5020	9030
3.	Суғурталовчи ходимига хизматлар (жумладан, махсус кийимлар) сотилди	4790	9030
4.	Дивидендлар хизматлар билан тўланди	6610	9030
5.	Воситачилик операциялари бўйича комиссион мукофотлар суммаси	4010	9030
6.	Хизматлар шўъба ва қарам хўжалик жамиятларига сотилди	4120	9030
7.	Кечиктирилган даромадлар суммаси улар тааллуқли бўлган ҳисобот даври келганда сотиш ҳажмига киритилди	6230	9030
8.	Қайта суғурта қилиш ва ретроцессияга берилган таваккалчиликлар бўйича тўланадиган суғурта мукофотларининг ҳисобланиши	9040	6060
9.	Қайта суғурта қилиш бўйича тўланган суғурта мукофотларининг ҳисобдан чиқарилиши	9030	9040
10.	Сотишдан ва нархдан чегирмалар бериш	9050	4010
11.	Ҳисобот даврининг охирида 9050 «Харидорлар ва буюртмачиларга берилган чегирмалар» счётини ёпилиши	9030	9050
12.	Асосий (операцион) фаолиятнинг даромадларини ҳисобга олувчи счётларнинг ёпилиши	9030	9910
13.	Қайта суғурта қилиш бўйича олинган комиссион рағбатлантиришларни ҳисобга олувчи счётларнинг ёпилиши	9080	9030
14.	Қайта суғурталовчидан олинадиган суғурта товонининг ҳисобланиши	4060	9070
15.	Қайта суғурталовчидан олинган товонларнинг якуний молиявий натижага ўтказилиши	9070	9910
16.	Қайта суғурта қилиш бўйича комиссион рағбатлантиришлар, тантъемалар ва йиғимларнинг ҳисобланиши	4051	9080
17.	Қайта суғурта қилиш бўйича комиссион рағбатлантиришлар, тантъемалар ва йиғимларни ҳисобга олувчи счётларнинг ёпилиши	9080	9030

2-§. Сотилган товарлар ва хизматлар таннархини ҳисобга олувчи счётлар (9100)
411. Товарлар ва кўрсатилган хизматларнинг таннархи тўғрисидаги ахборотларни умумлаштириш қуйидаги счётларда амалга оширилади:
9130 «Кўрсатилган хизматларнинг таннархи»;
9140 «Даврий ҳисобда ТМЗ сотиб олиш/харид қилиш»;
9150 «Даврий ҳисобда ТМЗ бўйича тузатишлар».
412. Хизмат кўрсатишда хизматларнинг таннархи 9130 «Кўрсатилган хизматларнинг таннархи» счётининг кредити бўйича суғурта бўйича хизматларни шакллантирувчи харажатларни ҳисобга олувчи счётлар билан боғланган ҳолда, акс эттирилади.
413. 9130 «Кўрсатилган хизматларнинг таннархи» счётига, шунингдек, 2010 «Суғурта ишини юритиш харажатлари» счётининг суммалари ҳам ўтказилади.
414. Ҳисобот даврининг охирида 9130 «Кўрсатилган хизматларнинг таннархи» счёти 9910 «Якуний молиявий натижа» счёти билан ёпилади.
415. Сотилган маҳсулот (товар, иш, хизмат)ларнинг таннархини ҳисобга олувчи счётлар (9100)дан амалда фойдаланиш суғурталовчида қўлланиладиган товар-моддий захираларнинг ҳисоб усулига, яъни товар-моддий захираларнинг узлуксиз ёки даврий ҳисобига боғлиқ.
416. Товар-моддий захираларни узлуксиз ҳисобга олиш усули қўлланилганда ҳар бир маҳсулот ёки товарнинг таннархи унинг ишлаб чиқариш жараёнидаги ҳаракатига қараб харажатларни ҳисобга олувчи счётларда тўпланади.
417. Товар-моддий захираларни даврий ҳисобга олиш усулидан фойдаланилганда ҳар бир маҳсулот (товар)нинг таннархи ҳисобот даври давомида вақтинчалик 9140 «Даврий ҳисобда ТМЗ сотиб олиш/харид қилиш» счётида йиғилади, бироқ сотилган маҳсулотлар, товарларнинг ҳақиқий таннархини фақат ТМЗ инвентаризация қилингандан сўнг аниқлаш мумкин. 9150 «Даврий ҳисобда ТМЗ бўйича тузатишлар» счёти — ҳисобот даврининг охирида инвентаризация натижасида ТМЗни мавжудлигини акс эттириш учун фойдаланиладиган вақтинчалик счёт. Кўрсатилган счётнинг дебети бўйича ТМЗнинг камайиши, кредити бўйича ТМЗнинг ўсиши ТМЗни ҳисобга олувчи счётлар (1000) билан боғланган ҳолда акс эттирилади.
9150 «Даврий ҳисобда ТМЗ бўйича тузатишлар» счётининг қолдиғи 9910 «Якуний молиявий натижа» счётига ўтказилиши орқали ёпилади.
418. Сотилган товар ва хизматларнинг таннархини ҳисобга олувчи счётлар (9100)нинг боғланиши