Жорий назорат саволлари вариант-6 Hududiy boshqaruvning tashkiliy tuzilishi va tamoyillari

Mahalliy soliqlar va yig’imlar

Yuridik shaxslar foydasiga soliq. Jismoniy shaxslar daromadiga soliq. QQS Aksiz solig’i Yer qa’ridan foydalanganlik uchun soliq Mikrofirmalar va kichik korxonalar, hamda savdo va umumiy ovqatlanish korxonalarning yagona soliq to’lovi Bojxona to’lovlari Jismoniy shaxslar chetdan tovar keltirgandagi yagona bojxona to’lovi Davlat boji Boshqa daromadlar

O’z soliqlari: Mol-mulk solig’i Yer solig’i Yagona yer solig’i Obodonlashtirish va ijtimoiy infratuzilmani rivojlantirish solig’i Transport vositalariga benzin, dizel yonilg’isi va suyultirilgan gaz ishlatganlik uchun iste’mol solig’i Ayrim turdagi tovarlarni sotish va ayrim turdagi xizmatlarni ko’rsatish uchun litsenziya yig’imi Yuridik va jismoniy shaxslarni ro’yxatdan o’tkazish yig’imi. To’liq hajmda biriktirilib berilgan soliqlar. Suv resurslaridan foydalanganlik uchun soliq Yuridik shaxs tashkil etmasdan tadbirkorlik bilan shug’ullanuvchi jismoniy shaxslarning qat’iy belgilangan solig’i Ba’zi tovarlarga aksiz solig’i ( o’simlik yog’i)

Umumdavlat soliqlaridan ajratmalar ulushi har yili mahalliy budjetlarning o’z daromadlarining tushumi hamda ular tomonidan amalga oshiriladigan xarajatlarning miqdoriga qarab o’zgartirib boriladi.

Umumdavlat soliqlarining muhim xususiyati shundaki, respublika budjetiga tushadigan soliqlardan mahalliy budjetlarni boshqarib borish uchun ajratma sifatida tushishi mumkin. Agar kelgusi yili mahalliy budjetlarning o’z daromad manbalari (soliqlari) ko’payib qolsa, respublika soliqlaridan ajratma berishning hojati qolmaydi. Respublika va mahalliy soliqlar yagona mohiyatga ega bo’lib, budjetga to’lanishi lozim bo’lgan to’lovlardir.

Shu bilan birga, umumdavlat soliqlarining ayrim turlari ham mahalliy budjetlarni to’ldirish manbai sifatida mahalliy budjetlar ihtiyorida qoldirilishi mumkin. Jumladan, O’zbekiston Respublikasi Vazirlar Mahkamasining 2001 yil 31 dekabrdagi 490-sonli qarorining 14-bandiga asosan mahalliy hokimiyat va boshqaruv organlarining tegishli budjetlarga tushumlarining to’liq undirilishi va tasdiqlangan xarajatlarni o’z vaqtida moliyalashtirilishi bo’yicha javobgarligini va mas’uliyatini oshirish maqsadida umumdavlat soliqlaridan tushumlar to’liq hajmda mahalliy budjetlar daromadiga o’tkazilgan.

Mahalliy budjetlarning bu daromad turining o’ziga xos tomonlar mavjud.

Yuqori budjetlardan ajratiladigan subventsiya va dotatsiyalar boshqa daromad turlaridan farq qilib bu daromad turlari yil boshida tasdiqlangan reja miqdorida olinadi. Ya’ni bu daromad turlariga yil davomida o’zgartirishlar kiritilmaydi.

Respublika iqtisodiyotida davom etayotgan iqtisodiy islohotlar soliqlarni iqtisodiy barqarorlikni ta’minlovchi muhim vosita sifatida ularni doimiy isloh qilib borishni talab qiladi. Hozirgi kunda aholining daromadlarining salmog’li xissasi xususiy sektorda shakllanmoqda. Davlat tomonidan bu daromadlarni boshqarish imkoniyatlari cheklangan, bu daromadlarni ma’muriy tarzda davlat xarajatlariga yo’naltirish bozor iqtisodiyoti printsiplariga zid. Faqatgina soliqlar orqali aholi daromadlarini budjet daromadlariga jalb qilish mumkin.

Ko’pgina chet el mamlakatlarida mahalliy budjetlar daromadlarini shakllanishi har bir holati qat’iy qoidalarga bo’ysundirilgan.

Hududiy budjetlarni tuzish bo’yicha qonun asosida belgilangan tamoyillarga amal qilishlari lozim. Ulardan asosiylari budjetning umumiy balanslashtirilganligi va budjetning to’liqligi tamoyillari hisoblanadi. Boshqacha aytganda, bu loyihada barcha mo’ljallanayotgan daromad va xarajatlar o’z aksini topishi kerak.

Mahalliy soliqlar va yig’imlar belgilanish usuliga ko’ra 2 guruhga bo’linadi:

1. 
   O’zbekiston Respublikasining qonunlari bilan joriy etiladigan mahalliy soliqlar va yig’imlar;
   
2. 
   Mahalliy hokimiyat idoralari hoxishi bilan joriy etiladigan mahalliy soliqlar va yig’imlar.
   

O’zbekiston Respublikasining Soliq Kodeksining 7-moddasida ko’rsatilishicha, mol-mulk va yer solig’i O’zbekiston Respublikasi qonun xujjatlari bilan joriy etiladi va O’zbekistonning barcha hududlarida amal qiladi.

Mahalliy soliqlar va yig’imlarning boshqa turlari esa, mahalliy hokimiyat idoralari tomonidan joriy etiladi.

Mahalliy soliqlarni stavkalarini va ular bo’yicha beriladigan imtiyozlarni belgilash qonun xujjatlariga muvofiq mahalliy hokimiyatlar ihtiyoriga berilgan. Mahalliy budjetlar daromadlarini shakllantirishda mahalliy hokimiyatlarga mahalliy soliqlar va yig’imlar bo’yicha bunday huquqni berilishi hudud iqtisodiyotida muhim rol o’ynaydi.

1^ I.A.Karimov “O’zbekiston iqtisodiy islohotlarni chuqurlashtirish yo’lida” T. “O’zbekiston” 1995. 204 b

2^Budjet tizimi to’g’risidagi qonun asosida muallif tomonidan tuzildi

3^Yangi tahrirdagi Soliq kodeksi ma’lumotlari asosida tuzildi