Jo‘raev, Narzulla. Jadal taraqqiyot davri (So‘zboshi o‘rnida) «2017-2021 yillarda O‘zbekiston Respublikasini rivoj- lantirishning beshta ustuvor yo‘nalishi bo‘yicha Harakatlar strategiyasi»

Ikkinchidan, davlat boshqaruvi apparatining huquqiy bazasini yaratish, uni zamonaviy davlatchilik talablari asosida takomillashtirish.
Uchinchidan, ijro hokimiyati tizimi faoliyatini yanada mustahkamlash, uning vazifalarini aniq belgilash. Bunda davlat boshqaruvidagi bir-birini takrorlaydigan va bir- birining ishiga xalaqit beradigan tuzilmalarning vujudga kelishining oldini olish.
To‘rtinchidan, davlat boshqaruvi organlari faoliyati- ning ochiqligini ta’minlash, ularning fuqarolik jamiyati institutlari, ya’ni nodavlat va notijorat tashkilotlar bi- lan hamkorligini yanada mustahkamlash, bu hamkorlikning huquqiy mexanizmlarini yaratish, ularning faoliyati usti- dan jamoatchilik nazoratini kuchaytirish.
Beshinchidan, davlat boshqaruvini isloh qilish va ma’- muriy yangilanishlar samaradorligini oshirishda ularning huquqiy asoslarini doimiy ravishda takomillashtirib bo- rish, zamon talablari asosida huquqiy-me’yoriy hujjat- larni yangi tahrirda qabul qilish. Ana shu maqsaddan kelib chiqib Ma’muriy protsessual Kodeksni, «Ma’muriy pro- seduralar to‘g‘risida»gi va «Davlat xizmati to‘g‘risida»gi qonunlar loyixasini tayyorlash va ularni qabul qilish va boshqalar.
O‘zbekiston Respublikasi Prezidenti Sh.M.Mirziyoev: «Oldimizga qo‘ygan maqsad va muddaolarga yetishish uchun kadrlarning amaliy zaxirasini shakllantirish, ularni tayyorlash va qayta tayyorlashning muhim masa- lalarini o‘z ichiga oladigan maqsadli dasturni ishlab chiqish vaqti keldi deb o‘ylayman. Asosiy vazifa - bu yuqori kasb mahorati va zamonaviy tafakkurga ega, pux- ta o‘ylangan, har tomonlama to‘g‘ri qaror qabul qila ola- digan, belgilangan maqsadlarga erishadigan rahbarlar va mansabdor shaxslarning yangi tarkibini shakllanti- rishdan iborat», - degan edi.
Bu talab bevosita kadrlar tizimini butunlay yangilash, uni zamonaviy bilimlar, kasbiy mahorati yuqori, rahbarlik iste’dodi va boshqaruv salohiyatiga ega bo‘lgan iste’dodli rahbarlarning yangi avlodini yetishtirish bilan bog‘liq. Davlat boshqaruvida esa bu muhim ahamiyatga ega.