Jobasi: Kirisiw

Ani’q ha’m ani’q yemes atli’qlar. Qaraqalpaq tilinde Hind, Evropa tillerindegidey predmettin’ ani’q yamasa ani’q yemesligin bildiretug’i’n arnawli’ artikller joq. Biraq sog’an qaramastan geyde predmettin’ so’ylewshi menen ti’n’lawshi’g’a ani’q yamasa ani’q yemesligin ha’r qi’yli’ usi’llar menen an’lati’li’wi’ mu’mkin.

Ani’q yemes atli’qlar predmettin’ so’ylewshi menen ti’n’lawshi’g’a ani’q yemesligin bildiredi ha’m wolardi’n aldi’nda ani’qsi’zliq artikli xi’zmetinde “bir” so’zi qollani’ladi’. Mi’sali’: Bir jas jigit bir meshit qa’wimde bir g’arri’ menen duslasi’pti’. Mi’saldag’i’ atli’qlardi’n’ aldi’nan qollani’lg’an “bir” so’zi jigittin’ de, meshittin’ de, g’arri’ni’n’ da ani’q yemes yekenligin ko’rsetip tur. Ani’q atli’qlar predmettin’ so’ylewshi menen ti’n’lawshi’g’a aldi’ buri’n ani’q (belgili) yekenin bildiredi. Ani’q atli’qlar ko’binshe tarti’mlani’p qollani’ladi’ ha’m bul waqi’tta wolardi’n’ qaysi’ betke tiyisliligi ani’q boladi’. Mi’sali’: Bizlerdin’ ji’lli’ kiyimimiz, zapas azi’q-awqati’mi’z, qural jarag’i’mi’zda bar yedi.