Jobasi: Kirisiw

Betlik ha’m betlik yemes atli’qlar. Atli’q kim? Yamasa ne? sorawlari’na juwap beriwine qaray betlik ha’m betlik yemes boli’p yekige bo’linedi. Adamlardi’ bildirip kim? sorawi’na juwap beretug’i’n atli’qlar betlik atli’qlar dep ataladi’.

Adamnan basqa tiri maqluqlardi’ ha’m jansi’z predmetlerdi bildiretug’i’n atli’qlar ne? sorawina juwap beredi ha’m wo’zinin’ tiykarg’i’ ma’nisinde qollani’lg’anda betlik affikslerin qabi’l yetpeydi, yag’ni’y betlenbeydi sonli’qtan da wolar betlik yemes atli’qlar dep ataladi’. Mi’sali’: si’yi’r, pi’shi’q, g’arg’a, maymi’l. Betlik yemes atli’qlar tek awi’spali’ ma’nide adam ma’nisinde qollani’lg’anda g’ana betlenedi. Mi’sali’: Sen bir qi’zi’l gu’lsen’ qi’zlar ishinde.