Jıllılıq ótkeriw Jıllılıq almasıw processi haqqında ulıwma túsinikler

JÍLLÍLÍQ ALMASÍW PROCECCLERI
Jıllılıq ótkeriw

Jıllılıq almasıw processi haqqında
ulıwma túsinikler
Temperaturası joqarı bolǵan deneden temperaturası tómen bolǵan denege jıllılıq óz-ózinen, qaytımsız túrde ótiw processine jıllılıq almasıw delinedi.

Processti háreketke keltiriwshi kúsh, bul hár qıylı temperaturaǵa iye bolǵan deneniń temperaturalar parqı bolıp esaplanadı. Termodinamika 2-nızamına muwapıq, jıllılıq temperaturası joqarı deneden temperaturası pás denege ótedi.

Jıllılıq (jıllılıq muǵdarı) - bul jıllılıq almasıw processiniń energetikalıq sıpatlaması bolıp, process waqtında jiberilgen yáki alinǵan energiya muǵdarı menen belgilenedi.

Jıllılıq almasıw processinde qatnasatuǵın deneler jıllılıq tasiwshi yámasa jıllılıq jetkizgish dep ataladı.

Jıllılıq ótkeriw- jıllılıq energiyasınıń tarqalıw processleri haqindaǵı pán.

Jıllılıq almasıw processlerine ısıtıw, suwıtıw kondensaciyalaw, puwlaniw hám puwlatqıshlar kiredi. Bul processlerdi ámelge asırıw ushın arnalǵan qurılmalar jıllılıq almastırıw qurılmaları dep ataladı.

Bizge belgili, jıllılıq almasıw processlerinde keminde 2 hár túrli temperaturalı ortalıq qatnasadi. Óziniń jıllılıq energiyasın jetkerip beriwshi, joqarı temperaturlı ortalıq - jıllılıq jetkergish dep atalsa, jıllılıq energiyasın qabıl qılıwshı pás temperaturalı ortalıq bolsa- suwıqlıq jetkergish dep ataladı.

Jıllılıq hám suwıqlıq jetkergishler ximiiyalıq shıdamlı bólıwı, qurılmalardıń jemirilmewi hám onıń diywallarında qattı, gewek qaspaq payda bolmawı kerek. Sonıń ushın, jıllılıq yamasa suwıqlıq jetkergishlerdi tańlawda process temperaturası, bahası hám olardı qóllanıw tarawları sıyaqlı kórsetkishlerge áhmiyet beriw kerek.

Temperaturası hár túrli bolǵan órtallıqlar arasında jıllılıq ótkeriw turaqlı hám turaqsız jaǵdaylarda ámelge asıwı múmkin. Turaqlı processlerde qurılmanıń temperatura maydanı waqıt ótiwi menen ózgermeydi. Turaqsız processlerde bolsa waqıt ótiwi menen temperatura ózgeredi.
Úzliksiz isleytuǵın qurılmalarda processler turaqlı baradı, uzlikli (periodlı) isleytuǵın qurılmalarda bolsa processler turaqsız boladı. Bunnan basqa, periodlı isleytuǵın qurılmalardı júrgiziw hám tóqtatıw, hámde is rejimleri ózgergen jaǵdaylarda turaqsız processler payda boladı.

Jıllılıq ótkeriw processiniń tiykarǵı kinetikalıq xarakteristikaları bolıp, órtasha temperaturalar parqı, jıllılıq ótkeriw koefficienti hám jetkerilip atırǵan jıllılıq muǵdarları esaplanadı.

Jıllılıq almasıw qurılmaların esaplawda tómendegi parametrler tabıladı:

Jıllılıq aǵımı (qurılmanıń jıllılıq juklemesi), yaǵnıy jıllılıq muǵdarı Q esaplanadı. Jıllılıq aǵımın anıqlaw ushın jıllılıq balansı dúziledi hám ol Q ǵa salıstırılıp esaplap tabıladı.

1. 
   Berilgen waqıt ishinde zárur jıllılıq muǵdarın jetkeriwdi támiyinlewshi qurılmanıń jıllılıq almasıw júzesi anıqlanadı.
   

Bunıń ushın jıllılıq ótkeriwdiń tiykarǵı teńlemesinen paydalanıladı.

Jıllılıq tiykarinnan úsh usılda jetkeriliwi múmkin. Jıllılıq ótkizgishlik, konvekciya hám jıllılıqtıń nurlanıwı.

4-1 keste

Jıllılıq (suwıqlıq) jetkizgishleriniń eń keń tarqalǵan túrleri