Jizzax politexnika instituti

“Chavandoz” о’yini

О’yinga tayyorlanish. Har bir sinfdan 10-12 о’yinchidan guruh tuziladi. Guruhlar uchun 7-9 m kattalikda tо’rtburchaklar chiziladi. Imkoniyat bо’lsa voleybol maydonchasidan ham foydalanish mumkin. Har bir guruhо’z navbatida ikkitadan jamoaga bо’linadi. Ular о’zlariga nom qо’yishadi. Faraz qilaylik “Lochin va Zafar” jamoalari. “Lochin” jamoasi о’yinchilari tо’rtburchakning о’ng va chap tomonidan chiziq tashqarisida, tо’rtburchak ichkarisiga qaragan holda yonma-yon saflanadilar. Qur’a tashlash usuli bilan “Zafar” о’yinchilari tо’rtburchak ichiga tushadilar va ularning vazifasi erkin harakat qilib yurishdan iborat.

О’yin tavsifi. О’qituvchining ishorasi bilan “Lochin” jamoasining о’yinchisi bir oyog’ini tizzadan, chap qо’lini esa tirsakdan bukib orqaga qо’yib, tо’rtburchak ichiga kiradi. Uning vazifasi bir oyoqda sakrab yurib, uning qо’li bilan “Zafar” о’yinchilarini ushlashdir, ya’ni kafti-panjasi bilan begona о’yinchining biror joyiga tegsa bas. Shu vaqtning о’zidayok “Zafarning” о’yinchisi tо’rtburchakdan chiqib belgilangan joyga borib turadi. “Lochin” jamoasining о’yinchisi esa navbatidagi о’yinchini ushlashi 15-20 sekundgacha davom etadi. Buning uchun “Lochin” jamoasining qolgan о’yinchilari bir hil makomda 1 dan 20 gacha ovoz chiqarib sanaydilar. Shu vaqt ichida “Zafarning” necha о’yinchisi ushlanganligi hisoblanib chiqiladi. Keyingi safar “Zafar” jamoasi tо’rtburchakdan tashqariga chiqadi.

Pedagogik ahamiyat. О’yin sezgirlikni, chaqqonlikni va kuchni rivojlantirishga yordam beradi. Shuningdek о’yinda maqsadga erishish uchun intilishni, о’zini va о’rtoqlarini kuchini ijobiy baholash qobiliyatini rivojlantiradi. О’yinni о’ziga xos harakati bir oyoqda yugurish, qarshilik kо’rsatish va kurashishdir. О’yin dam olish bilan almashib olib boriladi.