Jizzax politexnika instituti «qurilish materiallari va konstruksiyalari»

Polimer-mineral  kompozitlar  tarkibini  bog‘lovchi  modda  polimer  bilan  birga 
mineral  bog‘lovchilar  tashkil  etadi.  Natijada,  organik-mineral  tuzilishdagi,  yangi 
xossadagi  buyum  va  konstruksiyalar  ishlab  chiqarish  mumkin  bo‘ladi.  Polimer-
mineral  ashyoning  tarkibidagi  polimer  miqdori  yoki  turini  o‘zgartirib,  uning 
xossalarini  istagan  yo‘nalishga  o‘zgartirish  mumkin.  Qurilishda  zararli  muxit 
ta’sirida  ishlatiladigan  chidamli  polimersement  betonlar  bunga  misoldir.  Organik 
bog‘lovchi  sifatida  polivinil-atsetat,  sintetik  kauchuk,  poliefir,  karbamid  yoki 
epoksid smolalari ko‘p ishlatiladi. Qorishmada suvda eriydigan karbamid smolasi, 
furil  spirti  va  boshqa  sintetik  suyuq  qo‘shilmalarni  ishlatish  mumkin.  Mineral 
bog‘lovchilar asosida olingan beton buyumlar zararli muhitda chidamli va yuqori 
mustahkam  bo‘lishi  uchun  ularni  (stirol,  bitum,  metilmetakrilat)  suyuq  polimer 
yoki  monomerlar  bilan  shimdirib  beton-polimer  olish  mumkin.  Shimilgan  beton 
g‘ovaklaridagi  suyuq  polimerlar  qotadi,  natijada,  uning  mustahkamligi  10 
baravargacha ortadi. 
Temir-polimer buyumlar, ayniqsa, hozirgi vaqtda qurilishda keng qo‘llanilmoqda. 
Buning  uchun  alyumindan  ishlangan  buyum  sinch  poliefir,  polixlorvinil  va  shu 
singari  smolalar  bilan  qotiruvchi  qo‘shilmalar  solingan  qolipga  joylanadi,  keyin 
issiq-texnologik  jarayonda  qotiriladi.  Temir-polimer  buyumlar  tashqi  muhitga, 
zararli  moddalar  ta’siriga  chidamli,  nafis  ko‘rinishli  va  tiniq  bo‘ladi.  Temir-
polimer  ashyolardan  rom-eshiklar,  qoplama  taxtalar  va  har  xil  buyum  hamda 
konstruksiyalar  tayyorlash  mumkin.  Shishaplastik  kompozit  qurilish  ashyolari 
tayyorlashda  matritsa  sifatida  polimer  ashyolar  —  poliefir,  epoksid  yoki  fenol 
smolalari,  pishiqlovchi  —  armatura  sifatida  yuqori  mustahkam  shisha  tolalari 
ishlatiladi.  Smolalarning  tolalar  bilan  yopishqoqligi  va  yuqori  adgeziyasi 
shishaplastiklarning  cho‘zilishga  bo‘lgan  mustahkamligini  oshiradi.  Bunday 
kompozitlarning  nazariy  mustahkamlik  ko‘rsatkichi  amaldagiga  qaraganda  katta 
bo‘lmaydi.  Alyuminning  StZ  markali  po‘lat  va  boshqa  temirlarga  nisbatan 
mustahkamligi  katta.  Tabiiy  muhitga,  kimyoviy  zararli  moddalar  ta’siriga 
chidamlidir.